BUSHE LESA WAMULINGANYA?

Umulumendo umo, mukati kamusumba ba mwipaya kucipolopolo ca mfuti icaleipitilafye lintu alebomba umulimo pa itebulo ilikalamba ilya mung'anda. Namayo umo uwa caice, mwikomboni, asanga ukuti umwana wakwe naambula ubulwele bwa AIDS. Ukufuma mukubikwa kwa mulopa umwali utushishi, amacusho yaleila ko fye pantanshi mucalo. Tulekabila ubwasuko kuli fyonse. Bushe Lesa alikwi muno calo camacusho ne mfwa? "Kashika wamalumbo atukoselesha bonse ukuti icalo ici mwaisula ukutemwa ukushiifilwa" (Amalumbo 33:5).

Lelo, nga cakuti ici cacishinka, ninshi Lesa tapwisha amacushi nefinkunka? Icipande camakumi yabili mwibuku lya busokololo liletulanga ifyo Lesa ali nokupwisha ulubembu no kucula mwisonde.

1. IMYAKA IKANA LIMO YASOKOLOLWA

Icipande camakumi yabili mwibuku lya busokololo cashintilila panshita imwaka ikana limo, ukukonka no kwisa kwakwa Yesu Kristu ukwa cibili. Ificititwa fyonse ifyapali iyi nshita, ficitwa fyakulekelesha ifya bulwi pakati kakwa Kristu na satana ukufuma fye ilyo ulubembu lwaishile ingila mwisonde (icalo). Ubulwi bwa ambile fye kumulu lintu lucifa akwete akalumwa kuli Kristu, pamo naba Ngeli (bamalaika). Lucifa balimutamfishe ukumufumya kwibumba lyaba ngeli kumulu nokumutamfisha mu calo cesu. Ubulwi bwakonkenyepo fye napano calo mwibala lya Edeni. Kabili kwatwalilile pamyaka iingi ukufika fye nakukutunkwa kwa bantu kuli satana pakutanika Kristu (Kuti ukumona ili lyashi lya bulanda mwisambililo lya butatu (3)). Ubulwi bulino kufika fye naku mpela ya myaka ikana ilyo icalo calubembu ici cili nokuwamishiwa elyo nokutungululwa na Kristu. Ubusokololo icipande amakumi yabili yatulanga ifyo inshita yamyaka umwanda umo fyayakanishiwa nama tutubuko yabili. Bushe nibani Lesa abusha ukufuma kubafwa mubututubuko bwakubalila po pa myaka ikana limo ilya kubalila po?

"Balipalwa nokushila abo ababa mwibumba lya bututubuko ubwakubalila po. Imfwa yacibili tayakwata amaka pali bene, kabili balinokuba bashimapepo bakwa lesa na Kristu elyo nokuteka pamo nankwe pamyaka ikana limo." - Ubusokololo 20:6.

Baliba abapalwa nokushila ni abo abapokelela Kristu ngo mupusushi wabo. Kabili bakamonekela mu kututubuka kwakubalila po. Nga cakuti abalungami bali nokuteka na Kristu munshita yamyaka ikana limo bafwile babushiwa pakubalilapo kwa myaka ikana limo.

Bushe nibani bakabushiwa mubututubuko bwa cibili mupepi nenshita ya ikana limo lya mwaka?

"Abantu bamo abafwa tabakatutubuke mpakefye pampela yamyaka ikana." - Ubusokololo 20:5.

Bamo abantu abafwa kuti twabapashanya kubafwa kumupashi pantu abacita ifisuma, nabapalwa elyo nabashila balitutubuka pakwamba kwa myaka ikana limo. Kanshi emukutila inshita ya myaka ikana limo yakwata amatutubuko yabili: Ubututubuko bwa balungami pakubalilapofye elyo no bututubuko bwa balubembu pa mpela yanshita.

2. UKUTUTUBUKA PAKWISA KWAKWA KRISTU

Ukututubuka kwakubalila po ukwa balungami kuka citwa pakwisa kwa cibili ukwakwa Kristu. Ukwisa kwakwa Lesa ukufuma ku mulu, akesa nepenga lyakwe, nabafwila muli Kristu bakabalila po ukwima. Elyo kabili ifwe bonse abatuntulu abashala tuli no kukuminkana capamo nabena mumakumbi elyo nokukumanya shikulu mulwelele. Elyo kabili tuli nokwikala na Lesa umuyayaya (1 Tesalonika 4:16, 17). Ilyo Kristu akesa mucalo nakabili alinokwimya abafwa muli Kristu nokubasendela pamo nabalungama abatuntulu ku mulu.

Ababembu abatwalilila ukwikala mulubembu taba keminine ku cinso icakwa Lesa, eico balinokonaulwa pakwisa kwakwa Kristu (Luka 17:26-30). (Limbi kuti mwatemwa ukupituluka mwisambililo cine lubali konse konse; ifi citwa fya pakubwela kwakwa Kristu).

3. SATANA AKAKWA NO MUNYOLOLO MUCALO PAMYAKA IKANA LIMO

Ilyo imyaka ikana ikamba, abalungami bonse nga baya ku mulu ababembu bonse ninshi balifwa. Bushe nomba cinshi cikacitika mwisonde lyonse pa myaka ikana?

"Namwene malaika aleisa ukufuma ku mulu, nakwata no lufungulo lwa kumbo elyo kabili muminwe yakwe mwali umunyololo uukalamba. Aikete satana no kumukaka imyaka ikana limo. Bamuposele mucilindi icabula impela. Noku mwisalila pakuti eetwalilila ukulabepa abantu mpaka fye panuma yamyaka ikana limo." - Ukusokolola 20:1-3.

Pakwisa kwakwa Yesu, satana ninshi alikakwa mu munyololo nokwikala mulyamwine pamyaka ikana limo. Bushe nimwi akakakilwa satana? Nimucilindi cabula impela ifitabo fyakwa Lesa fyalondolola satana nga uwakakwa kumunyololo uukalamba. Uyu munyololo tewamu buntunse fye nakalya, cilangililo ukuti satana akashala eka, nokuti satana ekatwalililapo ukulatunka abantu pa myaka ikana. Lelo teti asange abantu abaololoka ababembula pantu bonse bali kumulu. Satana teti asange abantu abanaka abakutungulula pantu bonse balifwa balilala mu lukungu lwa calo. Ukwabula ubepa okutunka umuntunse, kasebanya (satana) akalaendauka fye mu calo cabulamo icintu nangu cimo.

4. ABALUNGAMI BAPINGULA ABABEMBU

Inshita ya myaka ikana, kabili ninshita ya bypingushi. Lelo ibukisheni ukuti ubupingushi buli mufipande fine:

(1) Ubupingushi bwa balungami panuma yakwisa ukwa kwa Kristu ukwacibili.
(2) Ukupelwa ifilambu abalungami pakwisa kwa cibili ukwa kwa Kristu.
(3) Ukupingula kwa babembu panshita ya myaka ikana.
(4) Icilambu cakwa satana nababembu pampela yanshita.

(Limbi kuti mwatemwa ukupituluka mwisambililo ikumi limo nafitatu ililanda pa fipande fyabupingushi cimo, nafibili; ukufwailisha necilambu cabalungami).

Nomba twalalolesha pafipande ifyalenga butatu elyo necipande icalenga fine, ukufwailisha necilambu caba bembu. Abalungami abafwila muli Yesu kabili balitutubuka elyo nabalungami abatuntulu bonse balinokusendwa ku mulu pakwisa ukwa cibili ukwa kwa Kristu. Bali nokuba kumulu panshita yamyaka ikana. Bushe bakalacita cinshi?

"Bushe tamwaishiba ukuti abapusuka ebakapingula icalo? Bushe tamwaishiba ukuti ifwe tuli nokupingula abangeli?" - 1 Kolinto: 6:2-3.

Namwene ifipuna fya bufumu apekala abantu abapelwa amaka yakupingula - Balitutubwike nokuteka pamo na Kristu imyaka ikana limo (Ubusokololo 20:4).

Pamyaka ikana limo abalungami bakapituluka mu milandu yabantu abanaka kulubembu elyo pamofye nabangeli abafuma kucinso cakwa Lesa elyo ukubikapo fye na satana. Lesa alipeela inshita kubantu bakwe abakana ifyebo fyakwe ukuti bapituluke muficitwa fyabo kuti limbi twakwata amepusho ayengi, pamo nga: Cinshi ico bamukayama tababelele kuno? Pantu balemoneka ngo muntu umusuma. Lelo nga twalolesha mufyalembwa ifyasungwa pamicitile yabantu noku onula abafwa ukulingana nefya lembwa mumabuku (12) kuti twamona ukuti Lesa mulifyonse wamulinganya ku muntu onse. Twalamona ifyo umupashi wa mushilo upeela inshita iitali pakufwaya Lesa. Elyo nomulinganya wabupingushi uukabafye uwatambalala.

5. SATANA AKAKULWA ILYO IMYAKA IKANA LIMO YAPWA

Pampela ya myaka ikana limo, Baibele yasokolola ukuti:

"Namwene umusumba uwashila Yelusalema mupya, aleisa ukufuma kumulu kuli Lesa. Aleisa nganabwinga uwapekanishiwa ku mulume." - Ukusokolola 21:2.

Uyu musumba uusuma waliba eng'anda yesu pamyaka ikana. Nomba uuli musumba umwikala Kristu nabantu abo apususha, bafuma mumulu nokwisa ikala muno calo. Bushe satana akacita shani panuma yamyaka ikana limo? Elyo imyaka iyi ngayapwa, satana alinokukakulwa mu cifungo nokuya mukubepa abantu mucalo conse, nokubalwishanya ubulwi. Mumpendwa baba nga umusensenga uwaku mbali ya cimana. Bali nokwendauka mu bwipi bwa calo elyo kabili balinokushinguluka abantu bakwa Lesa, kabili umusumba uwatemwikwa (Ubusokololo 20:7-9).

Abalubembu bakabushiwa mubututubuko bwa cibili mupepi nemyaka ikana (verse 5). Ilyo abalungami bakesa mu calo mumusumba uwa mushilo elyo ninshi ababembu bakatutubuka elyo ninshi satana akakakulwa fye panshita inono (verse 3). Nakabili satana akakwata abakutungulula, lelo abalungami ebo akalefwaya ukonaula. Ukwabula ukupisha inshita, alatampa ukupekanya abantu bakwe abalubembu ukupanga ibumba ilikalamba ilya nkondo. Satana alepela ifipope fyabantu bakwe ukwalukila umusumba wamushilo, uwa Yelusalemu mupya (verse 9) ninshi abantu balinokulaba, kabili ukulobelela umuyayaya.

6. ICIFULO CABUPINGUSHI BWA KULEKELESHA

Apa, umuku wakubalilapo, imitundu yonse iyabantu ikakumana icinso -necinso, Kristu akapususha abana bakwa Lesa abali mukati ka musumba uwa mushilo. Satana nao akatungulula abantu bakwe abali kunse wa musumba uyu. Panshita iyi iyashupa, Lesa akacita ubupingushi ubwa kulekelesha elyo ababembu bakapoka ubushiku bwabo mu cilye icamilandu. Kabili namwene icipuna icikalamba icabuta napekala umuntu, kabili namwene abafwa, abakalamba naba nono, nabemanina kuntanshi ya cipuna. Abafwa balibapingwile ukulingana nefyo balecita ifyo ifyalembelwe mumabuku. Ukusokolola icipande amakumi yabili ibeshi lya ikumi limo nacimo ukushinta pa ikimi limo nafibili (Ukusokolola 20:11, 12).

Ilyo ababembu bemanine kuntanshi ya cipuna cabupingushi icamulinganya, ukupitila mufyalembwa mumabuku Kristu kapingula wa cishinka alino kulondolola ificitwa fye fyonse kubaume nabanakashi elyo nabangeli. Icalo conse cili nokulolesha ifyo Kristu akalalanga bunte kuficitwa fya muntunse. Asokolola ukuti aishile mukufwaya nokupususha abaluba. Aishile mucalo ngo muntu, aikele mucalo ukwabula ulubembu, Ali pakulwisha, kabili nokwansha amesho, Aipele bulilambo pa capindama, no kubomba nga shimapepo mu kalamba mumulu. Icakulekelesha, ilyo Kristu akalilesha luse luse nokupingula abo bonse aba kana uluse lwakwe bonse mucalo bali nokwishiba umulinganya wa bupingushi.

Bonse tuli nokwiminina kucipuna cabupingulo. Calilembwa ukuti: Ilyo ndimucalo umutuntulu Lesa ati: Ikufi lyonse likalombe ubwelelo kuli Lesa (Abena Roma 14:10-11). Kristu ali uwacumfwila kumfwa yakwe elyo fye nemfwa yapa musalaba. Mwishina lyakwa Yesu Kristu, ikufi lyonse lifwile ukufukama, mumulu elyo napanwe sonde (Icalo). Akanwa konse kafwile ukulapila ikuti, Kristu ni Lesa ukupitila mumalumbo yakwa Lesa tata (Filipo 2:5-11).

Ukutampafye nakale ulubembu lwalyamba. Satana alabifya ishina lyakwa Lesa ukuti taba na mulinganya. Nomba amepusho yonse nayasukwa, nokutwishika konse nakupwa. Bonse abantu mucalo nabeshiba ukuti Kristu, mwana wakwa Lesa, alilinga ukutemwa elyo nokumulumbanya. Ukutantika nemipekanishe yakwa Lesa yonse yalisokololwa. Tebapusuka beka, lelo nabangeli bakwa satana elyo no mwine satata ali nokulapila ukuti inshila yakwe yacilubo lelo inshila yakwa Lesa yacishinka. Bonse nabamona ukuti ubupondamishi nabukaitemwe butwala kubulanda. Kabili tabufwile ukutwalilila.

7. ULUBEMBU LWAKUMANYA IMPELA YALUKO

Nangula satana nabantu bakwe basumina ukuti Lesa mulungami imitima yabo taipilibwike nakalya imibele yabo yabafye mububi. Elyo panuma ubupingulo nabu citwa ababembu: bakolongana pamo nokushinguluka umusumba wa bashila. Elyo umulilo wafuma kumulu no kuboca bonse. Na satana uwalebatunka aposelwe muli bemba wa mulilo ulepya… infwa no lubola lwaluko fyaposelwe muli bemba wa mulilo. Bemba wa mulilo emfwa yacibili. Inga umo ishina talisangilwe mwibuku lya mweo aposwa mumulilo (Ukusokolola 20:9-15).

Mubupingushi bwakulekelesha umulilo wakwa Lesa uli nokonaula ulubembu nabantu bonse abaikalililamo. Satana nabantu bakwe balinokonaulwa kumfwa yacibili yamuyayaya. Imisango yabo iyakusangulila ifunde yabalenga ukukana kwata insansa icapwililila pantu bali nokonaulwa na satana nabangeli bakwe. Umuliolo ukufuma kumulu waisa wamya isonde ukufuma ku bupulumushi. Lesa akwata icalo icasanguluka nakabili ubulwi bwa busuma no bubi, Yesu na satana nomba nafipwa. Yesu nomba aleteka. Ifyakale fyonse nafiya nomba kwaisa icalo cipya umuli ubusuma bweka bweka.

8. ICALO CAWAMISHIWA NOKUCIPANGA ICIPYA

Ukufuma kubupingushi ubwakulekelesha, Lesa alepanga icalo cipya.

"Eico namwene umulu ne calo, pantu icalo cakubalilapo no mulu nafiya - Namwene umusumba uwamushilo elyo na Yelusalemu mupya fileisa ukufuma kumulu kuli Lesa. Nomba ipusukilo lyaisa kubantu kabili akekala nabo. Bakaba abantu babo ba Lesa alinokuba pakati kabo. Kabili akasumuna ifilamba fyabo mumenso. Takwakabe imfwa nangu ukulosha nangula ukulila no bukali. Pantu ifyakale ninshi fyonse nafiya." - Ukusokolola 21:1-5.

Ukulingana no busuma bwacalo nomba caba cifulo icisuma pa myaka nemyaka. Icalo nacifuma kuli bukaitemwe, ukulwala na macushi. Nomba twakwata icalo umo twailunda kuli Kristu nokwikala pamakasa yakwe, nokumfwa, ukusambilila elyo fye nokutemwa. (Belengeni Isambililo pabula, 9). Bushe wapekanya ukuba kwi bulya bushiku? Bushe nausala ukuba na Kristu mukati ka musumba nokumbombela umuyayaya? Nangu wasala ukuba nkunse yamusumba ukwabula Kristu nokuloba umuyayaya?

Ngacakuti naubika umweo obe muminwe yakwa Kristu, taufwile mwa ampana nabo ababa kunse yamusumba abo abaluba kucinso cakwa Lesa nga mwabika iminwe yenu kuli Kristu muli bulelo, ninshi kuti mwaikala na Kristu nokukwata ipusukilo. Nga tamula cita ico, peleni imitima yenu kuli Kristu lelo line fye. Kabili ali nokumupela ukutemwa no bwelelo. Ino enshita yenu, kabili ebushiku bwe pusukilo.