BUSHE ICINABWINGI KUTI CA LUBA?

Mwisambililo 16 casangilwe ifyo icibelesho cakusunga isabata nokutusha cilafwilisha umuntu ukwikala umweo uusuma. Pantu Lesa alomfwa ukukabila kwesu abikilepo isabata pakuti lingaba lya kutushamo kumubili elyo nokukula kwa ku mupashi. Panuma yakubumba icalo pa nshiku mutanda, "atushishe" pabushiku bwalenga cine lubali no "kubupala" no "kubushisha" (Ukutendeka 2:1-3).

Ilyo Lesa apele abantu bakwe amafunde ikumi abikilepo icikomo cakusunga ubushiku bwe Sabata pakati ka mafunde ikumi (ukufuma 20:8-11) ukulingana ne funde, isabata cibukisho ca maka ya bubumbo aya kwa Lesa, ukulolesha pafintu ifisuma nefi papwa ifyo abumbile. E ico naifwe bushiku buntu twibukishishamo ububumbo noku palama kuli kabumba pakuti twingaampana nankwe.

Ilyo Yesu ali panwe sonde ngo muntunse nao wine alisungile Isabata (Luka 4:16), kabili asuminishe ukuti bwingaba bushiku ubusuma kuba Kristu (Marko 2:27-28). Amalembo ayengi mwibuku lya Milimo ya Batumwa yalitweba apabuta tutu ifyo abasambi bakwa Yesu baile kumapepo panuma Yesu natutubuka kubafwa (Acts 13:14; 16:13; 17:2; 18:1-4, 11).

1. ICIPUSHO CA KUPAPA

Ici catu leta ku cisambililo cimo ico abantu abengi basanga icakupapusha. Ifilonganino fyaba Kristu ubwalelo fisunga inshiku shibili isha ibela. Bamo basunga sondo, ubushiku bwantanshi ubwa mulungu nge cibukisho cakushukuka kwa kwa Yesu Kristu ukufuma kubafwa. Bambi nabo basunga ubushiku bwalenga cine lubali nge Sabata nge fyo icipingo casosa.

Bushe cilapanga ubupusano pa bushiku ubo ulesunga nge Sabata? Inga abantu abacishinka tufwile ukwishiba icishinka noku ipusha fwebene ati "Bushe cinshi ico Yesu Kristu alefwaya ine ukucita?"

Ukwisa mukusala ukuli ngo ku, ifikomo fimo fimo fifwile fyalondololwa bwino bwino. Ninani wapilibwile ubushiku bwe Sabata ukufuma pa cibelushi, ubushiku ubwalenga cine lubali, no kutwala pa sondo, ubushiku bwantanshi ubwa mulungu? Nga efyo, bushe Lesa nangu Yesu atemwa abatumwa cinshi tabapilibwile inshiku? Natuye pantanshi nokulolesha pafikomo fimo fimo ifinga twafwako.

2. BUSHE LESA ALI PILIBWILE UBUSHIKU?

Bushe kwalibako ukusosa kumo ukufuma kuli Lesa ilya kupilibula isabata ukufumya pa bushiku ubwalenga cine lubali no kutwala pa bushiku ubwantanshi ubwa mulungu?

Aba Kristu abengi basumina mu mafunde ikumi nga umubela wakwikalilamo. Amafunde ikumi embila fye iyo Lesa alembele ne minwe yakwe ku mutundu wamuntunse. Yaliba aya kankala, alembele pelibwe ne minwe yakwe (Ukufuma 31:18).

Pefunde ilya lenga cine, Lesa atweba ukuti:

"Akwibukisho bushiku bwe Sabata, ku kubushisha. Inshiku mutanda ulebomba no kucitamo umulimo obe onse; lelo ubushiku ubwalenga cinelubali lisabata lya kwa Yehoba Lesa obe: wicitamo umulimo nangu umo, iwe, no mwana obe umwaume no mwana obe umwanakashi, umubomfi obe umwaume na chishiko obe, ne fitekwa fyobe, no mulebeshi uuli mu mpongolo shobe; pantu mu nshiku mutanda Yehoba acitile umulu ne calo, na bemba, na conse icilimo, no kushikitala mu bushiku ubwalenga cinelubali; ni pali ici Yehoba apalile ubushiku bwe sabata, no kubushisha." - Ukufuma 20:8-11.

Ilyo Lesa apele amafunde ikumi kubantu bakwe apele ubusoko ifyo takuli umuntu nangu umo ukupilibula amalembo yakwe ayafuma mukanwa kakwe.

"Te kuti mulundeko ku cebo ico ndemweba, nangu kufumyako, ku kuleka muumfwe amafunde ya kwa Yehoba Lesa wenu ayo ndemweba." - Amalango 4:2.

Lesa umwine alilaya ukukana pilibula amafunde:

"Nshakafulunganya icipingo candi, kabili icafuma mu kanwa kandi nshakacitelule." - Amalumbo 89:34.

Icipingo nacilanda fye apabuta ifyo Lesa takatale apilibula Isabata ukufumya pabushiku ubwalenga cinelubali ukutwala pa sondo ubushiku ubwantanshi ubwa mulungu.

3. BUSHE YESU ALI PILIBWILE SABATA?

Ukulingana na Yesu, amafunde ikumi fipope ifishinga pilibulwa.

"Mwilatila naisa ku konaula Amalango nagu bakasesema: nshaisa ku konaula, lelo ku kufisha, pantu ndemwebe cine cine, nati, takwakapite akalitoni nangu akasongo kamo ka mu Malango fikasuke afipita umulu ne calo, kano fikasuke fyonse afifishiwapo." - Mateo 5:17-18.

Mwisambililo 16 twasanga ifyo wali mwata wakwe Yesu Kristu ukulapepa mwi Sunagogo pa Sabata (Luka 4:16). Kabili twasanga ifyo Yesu alefwaisha abasambi bakwe ukutwalilila umubele uwakusunge sabata ilya cishinka (Mateo 24:20).

Imifundishishe ne cakumwenako ukufuma kuli Yesu ciletulanga ifyo tufwile twatusha pa Sabata kumilimo yesu yonse nokulalanshanya na Lesa epela.

4. BUSHE ABATUMWA BALI PILIBWILE ISABATA?

Yakobo, intungulushi ya cilonganino cantanshi ,alemba palwa mafunde ikumi:

"Pantu untu abaka Amalango yonse, lelo aipununa muli limo, abo wa mulandu kuli yonse. Pantu uwatile, Wilacita bucende, atile ne ci, Wilatala misoka. Nomba nga taucita bucende lelo watale musoka, ninshi wabe mpulamafunde." - Yakobo 2:10, 11.

Luka, shing'nga kabili we landwe mucilonganino cantanshi atile:

"Pa Sabata twafumine kunse yamusumba ukulola ku mumana, uko twalecetekela ukusanga incende iya kupepelako. Twaikele panshi nokwamba ukulanshanya naba namayo abalongene kulya." - Imilimo ya Batumwa 16:13.

Mucipingo cipya cine mwibuku lya Milimo ya Batumwa balumbulamo imiku amakumi cine konse konse na fine uko abatumwa bakwa Yesu basungile Isabata, ifyo fyonse fyacitikwe ilyo papitile imyaka ikumi na cine apo Yesu ashikwike kubafwa: Amasabata yabili pa Antioki (Imilimo ya Batumwa 13:14, 42, 44). Isabata limo pa Filipi (Imilimo ya Batumwa 16:13); Masabata yatatu ku Tesalonika (Imilimo ya Batumwa 17:2, 3); Amasabata amakumi cine lubali na cine konse konse ku Korinti (Imilimo Ya Batumwa 18:4, 11).

Yohane uyo uwalekeleshe ukufwa pe bumba lya basambi bakwa Yesu alisungile Isabata, alembele ati:

"Nali mu mupashi ubushiku bwa kwa Shikulu." - Ubusokololo 1:10.

Ukulingana no bulondoloshi bwa kwa Yesu, ubushiku bwakwa Shikulu lisabata:

"Umwana wa muntu e Shikulu we Sabata." - Mateo 12:8.

Ukukonka nefya kufwailisha fyasokolola ifyo abatumwa tabatalile abesha ukupilibula ubushiku ubwakwa Lesa ubwakutusha ukufumya pa bushiku bwalenga cinelubali ukutwala pa bushiku ubwantanshi ubwa sondo. Icipingo cipya calumbula po fye ubushiku ubwantanshi ubwa mulungu imiku cine konse konse epela. Pamiku iyi icipingo tacalandapo ukuti ubushiku bwantanshi ubwa mulungu ebushiku ubwa mushilo nangula kuti twafwayapo ubushiku bumbi ubo twingala pepa po. Ukulolekesha sana pamalembelo aya cine konse konse ayalanda pa lwa sondo yaatila:

(1) Bana mayo baishile ku nshinshi pabushiku ubwantanshi ubwa mulungu (Mateo 28:1).
(2) "Ilyo Isabata lyapwile" bana mayo batwalililepo imilimo yabo iyaku mubili pabushiku ubwantanshi ubwa mulungu (Marko 16:1, 2).
(3) Yesu Kristu amonekele kuli Maria umwina Magadala kumaca pabushiku ubwantanshi ubwa mulungu (Marko 16:9).
(4) Abasambi bakwa Yesu batwalililepo ne milimo yabo pa bushiku ubwantanshi ubwa mulungu (Luka 24:1).
(5) Maria aile kunshinshi yakwa Yesu nokusanga talimo pabushiku ubwantanshi ubwa mulungu (Yohane 20:1).
(6) Abasambi ba kolongene pamo ukutina aba Yuda pabushiku ubwantanshi ubwa mulungu (Yohane 20:19).
(7) Paulo aipwishe ifilundwa fya cilonganino ukusunga icipao bwino, nokubika pambali indalama shakwafwilisha aba busu mu Yerusalemu pa bushiku bwantanshi ubwa mulungu (1 Abena Korinti 16:1, 2). Ici tacile landa ifyo aba Kristu balikolongene mukupepa iyoo.
(8) Mu milimo ya Batumwa 20:7, Luka alanda pafyo Paulo ale shimikila pa bushiku bwa ntanshi ubwa mulungu kwi bumba pa bushiku bwakulayana. Nakuba Paulo aleshimikila cila bushiku, naba tumwa baleputaula umukate cila bushiku (Imilimo ya Batumwa 2:46).

Amalembelo yonse aya tayalelanda ifyo abatumwa bali kele ukusunga isabata. Abatumwa taba landilepo ukupilibula isabata ukufumya pa bushiku ubwa lenga cinelubali ukuya pa bushiku bwantanshi ubwa mulungu. E ico takuli ilembelo nangu limo mu cipingo cipya ili le sumunisha ukupilibula Isabata ukufuma pabushiku bwa cinelubali ukutwala pa bushiku ubwantanshi ubwa mulungu. E ico ukupilibula kwe funde kwaishile panuma Yesu na batumwa tababapo. Nomba natuloleshe kunuma nokumona nililali kabili cali shani pakuleta ubu bupilibulo.

5. BUSHE UBUSHIKU BWA SONDO BWAFUMINE KWISA?

Abatumwa balatusoka ifyo aba Kristu bamo baka tena mu kusunga kwa malango no kufuma ku mipepele ya micipingo cipya ica ba Kristu: "Eico beni abalola" (Acts 20:29-31). Nefi efya citike. Ingishikweba (abamano) balondolola ifyo abena Kristu batampile ukufuma mu mipepela iya cishinka iya Batumwa. Ifishilano na mafundisho yantu Paulo, Petro naba Kristu bantanshi bashasuminishe yaingile mukati ka cilonganino.

Ukupilibula kwe Sabata no kusunga sondo kwa yambile panuma ya cipingo cipya nacipwa nabatumwa bonse nabafwa. Ifyalembwa fitila abena Kristu baya mbile ukufuma mukupepa no kutusha pabushiku bwalenga cinelubali nokwamba ukusunga ubushiku ubwantanshi ubwa mulungu. Abasumini tabalekele ukusunga ubushiku bwa cinelubali ubwe Sabata mu milungu imo lelo bayambile panono panono ukulasunga sondo ngo bushiku bwakwa Shikulu. Ukupilibula kwa kusunga sondo kubena Kristu kwatampile mu Itali panuma yanshita ntali aba Kristu abengi balesunga inshiku shonse shibili elyo bambi nabo balesunga fye Isabata epela. Pabushiku bwa lenga cinelubali mu mweshi wakutumpu mu mwaka wa imyanda yitatu makumi yabili na umo (321 AD) umuntu uwe shina lya Koshitantino apele icipope cakubalilapo ukulasunga sondo, nokweba abantu bonse ukufumyako fye bashimafamu ukulatusha pa sondo. Ici, uku bikapo na yambi amafunde yasano yasuminishiwe na Koshitantino palwa mulungu, ekwali ekutampa kwa kusunga ubushiko bwa mulungu nge ca suminishiwa ukufika na lelo. Munkulo iyalenga bune aka bungwe ka Lodeciya kakenye abaKristu abo abashale bomba pa bushiko bwa cinelubali ukuti benga twalilila ukubomba elyo ka ipwishe aba Kristu ukushisha sondo no kukana bomba pa sondo. Ifyalembwa fitila ukusunga sondo kwaletelwe fye no muntu. Icipingo tacapela ifunde ilya kukanya umuntu uli onse ukukana sunga Isabata ilyalenga bune pa mafunde ikumi. Kasesema Danieli alisobele ifyo inshita ya cilonganino caba Kristu kukema amaka ayakwesha ukupilibula ifunde ilyakwa Lesa (Daniel 7:25).

6. NI NANI WATAMPILE UBUPILIBULO?

Bushe ninani waseseshe isabata ukufuma pa bushiku bwa cinelubali no kutwala pa bushiku bwantanshi ubwa mulungu? Icilonganino caba Katolika cisosa ukuti ecaseseshe. Pakuti cingakwata ubutungulushi ubwafikapo, abakalamba bafilonganino basuminishe ukupilibula ubushiku bwa kupepa po ukufumya pa cibelushi ukutwala pa mulungu.

Akatabo kabakatolika aka Katikishimu katila:
"Bushe ubushiku bwe sabata nibwisa?"
Ubwasuko: "Pacibelushi ebushiku bwe Sabata."
"Nomba, Cinshi tusungila sondo ukucila ukupepa pa cibelushi?"
Ubwasuko: "Tusunga sondo ukucila ukupepa pa cibelushi pantu katolika alifumyapo bumushilo pa cibelushi nokutwala pa sondo." Abalembele ni ba Petelo Gelemani mukatabo aketwa Katikishimu wa mi pepele ya ba Katolika." Akalembelwe mu mwaka wa 1957, pebula namba 50.

Bakatolika basabankenye ukuti intungulushi sha filonganino ukubomfya ubuntunse fyali pilibula ubushiku. "Ubushiku ubwa mushilo ubwe Sabata nabupilibulwa ukufuma pacibelushi ukuya pa sondo… tacafumine mukati akamalembelo ukufuma mu cipingo lelo ukubomfya fye amaka ya buntunse. Abantu abo abatontonkanya ifyo amalembelo ya mu cipingo yafwile yakonkwa bena bafwile baba niba kalolela no ku sunga ubushiku bwa cinelubali no mushilo. Abalembele aya mashiwi niba Kadino Maida, ba Arkbishopo ba ku Detrioti, uku niku Amerika pa bushiku bwa pa 21 May 1995.

7. BUSHE IFILONGANINO IFISUSHA IMIPEPELE YA CIKATOLIKA FITILA SHANI?

Ifipepala ifya cishinka ifisangwa mu filonganino fisusha pa mifundishishe yabakatolika fyalikana ukuti mu cipingo tapaba apo basuminisha ukupepa pa sondo.

Martin Luther uwa tampile icilonganino ca Lutherani alembele mwipepala lya kuyebelela mo, pe bula 28 mucipande capabula: "Bakatolika batila Isabata lyali pilibulwa ukuya pa sondo ngo bushiku bwakwa Shikulu ukupusanako nefyo amafunde ikumi yasosa,…. Elyo bena bala itakishisha po pa kupilibula Isabata. 'Fwe mpalume', efyo basosa, 'icilonganino cesu cali kwata amaka ayakalamba aya kupilibula ne funde', baitakisha pantu bali posa po ifunde limo pa mafunde ikumi aya kwa Lesa."

Ingishi kweba shibili (Amos Binney na Daniel Steele) isha mucilonganino ca 'Methodist' shalolekeshe ukuti: "Cishinka takwaba ifikomo nangu ikambisho ililanda pakubatisha 'utunya'… nangu ku sunga sondo ubushiku ubwantashi ubwa mulungu." (Theological Compend New York: Methodist Book Concern, 1902), pp 180,181.

Na imbi, ingishikweba shing'anga Summerbell uwasambilile pafya basambi bakwa Yesu ne cilonganino ca kutendeka, alembele: "Icilonganino caba katolika caliwa…paku pilibula ifunde lya bune nokufumyapo isabata lyakwa Lesa nokubikapo sondo ngo bushiku ubwa mushilo." (Ifyalembwa ifya cine pa bena Kristu elyo ne cilonganino ca bena Kristu, ibula 417, 418).

8. BUSHE ICIKALAMBA ICILIPO CINSHI?

Ici caesha ukutuleta icinso ne cinso ne cipusho: Cinshi abaKristu abengi basungila no kupepa pa sondo libe icipingo tefyo casosa? Nangula, Bushiku nshi tufwile twasunga? Bushe kuti nakonka abo abatila "Tapaba ubupusano pabushiku ubo mfwile napepapo cikulu fye nabulapo ubushiku bumo mumulungu." Kuti caba cikankala ukubula ubushiku ubo Yesu kabumba apele ukupepapo elyo nobo Lesa asontele mumafunde yakwe "Ubwa cinelubali e Sabata."

Apa tulelanda fye ukusunga kwa kunse, nomba bushiku nshi ubwacishinka ukulingana ne cipingo? Icikalamba icili apa cumfwila kuli Yesu. Kabumba wesu alibika pambali ubushiku bwe Sabata ngo bwa mushilo ukuti twinga tushamo ne ndupwa shesu. Bushe ninani mfwile naumfwila? Bushe mfwile naumfwila Yesu umwana wakwa Lesa nangu umuntunse? Ubusalo bulifye ubwatambalala: Amafundisho ya muntu nangu ifunde lyakwa Lesa. Ukumfwila icebo ca muntu nangu icebo cakwa Lesa. Ukupilibula kwa muntu nangu ikambisho ilya shila. Kasesema Daniele alipela ubusoko kuli abo bonse "abali no kwesha ukupilibula inshita namafunde" (Daniele 7:25). Lesa aleita bantu bakwe ukubwelela ku cumfwila. Alebeta ukuti benga sunga isabata nge cishibilo ca cumfwila no kutemwa Lesa.

Yesu atile: "Nga mwantemwa kuti mwabaka amafunde yandi" (Yohane 14:15). Alaya ukutemwa, ukwapwilila kuli abo bonse abamutemwa no kusunga ifunde lyakwe (Yohane 15:9-11). Twalikwata kapususha umusuma. Alefwaisha ukuti ifwe bonse twingamona ukutemwa kwakwe ukwa pwililila. Umutima uufwaisha icumfwila waba uwaisuka kukutemwa kwa kwa Lesa. Mwibala lya Getsemani Kristu aipeleshe ukucita ukufwaya kwa kwa Wishi nangula ali nokukumanya ulupanda ne membu sha bantu bonse. Ilyo alilile kuli Wishi "Lekeni ulukombo ulu lumpite" ali uwa kuinasha mukupapata elyo atwalilile ukulanda ati "Lelo, te ico ntemenwe ine, kano ico mutemenwe imwe" (Marko 14:36).

Kristu alafwaisha ifwe ukukwate fibelesho apela kuli abo aba cimba imyeo yabo pa nkasa shakwe. Elyo alafwaisha ifwe ukukwate fibelesho nesansa shisangwa mu butusho bwa pa sabata. Alefwaya ifwe uku mucetekela elyo no kumufwila muli fyonse ifya mweo wesu. Nga waasuka ubwite bwakwa Lesa no kulama amafunde yonse ayakwe, ubulayo bwakwa Yesu ubu sosa ukuti insansa shakwe "shibe muli imwe" elyo "nensansa shenu" shikabe "isha fikapo" (John 15:11).