INKAMA YAKUKULA MULI BUKAMBONI

Abatandashi baile kumwikulo wa kusangalala ku ng'anda ya ba komoli. Pali aba bantu pali no mulumendo umo uweshina lya Larry. Awe kuli cilyafye ilyashi lyafukila, amakabe no mupunga nafyo fya waama elyo abantu nangu abatandashi bambi balasokolola ifipingo fyabo Umwine wa ng'anda epakwipusha Larry ukupeela ishalya lya Baibele ninshi abashala amenso yabo yali na ndwii pali balali capesha na mano. Cikanga Larry asakaminwe.

Nakuba Larry kale alefunda pa cipingo pe sukulu alebombapo ku Japan. Ubusuma bwa lebapo bwakuti ale ipekanishisha kali bela. Nomba pali iyi nshita cali cakupumikishafye. Mumano yakwe Larry aletontonkanya ukuti uku kukumana kwa kwisa sefya fye capamo. Ecalengele wene abulwe nefya kusosa.

Larry kale alyumfwilepo amalyashi ya mucipingo ayengi lelo tayakwete bupilibulo ubwingi kuli ene. Ecalengele nokuti alesangwa mumicitile imo ishalolamo ku menso ya kwa Lesa. Kanshi calimukosele ukulanda kuba nakwe pafya kwaLesa uyo ene ashaishibishe. Mukwi kalisha tondolo pacipuna ilyo amenso yabanabo ya tonteme pali ena, umwenso walimwikete. Nipali iyi yine nshita ilembelo lya bwafwo bwa mupashi wa mushilo ilya ipwishe kupela bunte, lya pitilemu mu matontokonyo yakwe Luka 12:12). Aa pepele ipepo lya munkaama ukuti Lesa amafwe. Ici calengele ukuti ebushe ilyashi lya pa mwana walubile.

Chilya aponena mukulondolola ifyo Lesa atemwa abaye ciyeyeye, Larry aisangile alelanda ukufuma kumutima wakwe. Aya mashiwi yalandilwe mmukufume cumi. Na panshita ya kubalilapo, Larry ashinikinshe ifyo Lesa amutemenwe. Ilyo aile ku ngánda pakusendama Larry afukeme ku mbali lya busanshi bwakwe no kuipela kuli Lesa, nakabili uyo uwa sangwike uwacine kuli ena. Ukwakana ukutemwa kwa kwa Lesa kwacilile pafibelesho fyonse. Cali li shinte ilya kupapusha.

1. YESU ALEFWAYA IFWE TUKULE MULI BU KAMBONI

Abasambi bakwa Yesu balinankwe pamyaka itatu na citika. Pali iyi nshita baleumfwa amashiwi yakwa Yesu no kumona imicitile yakwe pa mfwa no kusumbulwa kwakwe. Libe ali bwelelamo kumulu Yesu aebele abasambi bakwe ukula mwimininako:

"LELO MUKAPOKELELA AMAKA ilyo ukeso umupashi wa mushilo pali imwe elyo mukabe NTE SHANDI… no kufika ku mpela ya pano nse." - Imilimo yabatumwa 1:8.

Ilyo abasambi bakwa Yesu baipele umupwilapo kuli wene pa pentekoshito Kristu apilibwile imikalile yabo ku maka ya mupashi wa mushilo. Basangwike nte telwa kushukuka fye kwakwe no kuya ku mulu, lelo naku maka ya kushukuka kwakwe ukwa letele ubupilibulo mu mikalile yabo. Naifwe nga bena Kristu tulingile ukuba inte kukushukuka kwa kwa Yesu ukwaleta ubu pilibulo mu myeo yesu. Pamulandu wa kutemwa kwakwe uko atutemwa, kabili ifwe pa kuba abafwa mu mampulu atulengele aba mweo pamo na Kristu (niku kusenaminwa mwa pusukila).

"LELO LESA PA KUBO WACINDAMA KU LUSE, PA MULANDU WA KUTEMWA KWA KWE UKWINGI UKO ATUTEMENWE, KABILI IFWE PA KUBA ABAFWA MU MAMPULU, ATULENGELE ABA MWEO PAMO NA KRISTU no kutwikalilika pamo nankwe mu myulu muli Kristu Yesu, ukuti akalange mu nshita sha muyayaya ishikesa ubucindami bwa kusenamina kwakwe mu kutubele congwe muli Kristu Yesu." - Abena Efeso 2:4-7.

Twali lengwa ukuba abamweo muli Kristu, na palico kuti twa langa ubucindami bwakwe. Alitweba ukusalanganya ili landwe lisuma kubantu bonse. Alitulaya no kuti akaba naifwe ukufika na kumpela (Mateo 28:19-20).

H.M.S. Richards, uwatampile umulabasa uwitwa Voice of Prophecy Radio Ministry (umulabasa we shiwi lya busesemo) asosele ati; "nimbona ubupilibulo mu myeo ya bantu aba umfwa ilandwe lyakwa Yesu. Nalyenda muncende umo ishina lya kwa Kristu neshina ly kwa Lesa lishaishibikwa mpaka ukufikila ilyo icilonganino ca twalako iyi mbila. Nimbona ukupilibuka kwa bantu ukufuma ku busali, ku malwele, ku mwenso wa mipashi ya kowela no kuya ku kusansamuka mubwikashi bwa mikalile ya mwina Kristu. Nimbona ukupilibuka mumibele yaba namayo. Nimbona amayanda aya bena Kristu bene bene yapangwa ukufuma mubusenshi. Nimbona ukupilibuka kwa myeo ya bantu konse uko natandalila. Ni njishiba ifyo ilandwe lya kwa Yesu e maka yakwa Lesa aya bupususho" (Aba Roma 1:16). Nalishiba ifyo ilyo ilandwe lyashimikilwa mumayanda ya bantu elyo fye nemyeo yabo mulaba ubupilibulo. No bupilibulo bulabamo no ku moneka mu myeo yabo abo abaipela ku bwite. Twalikwatako isenge muli ulu lubali lwa ncito pantu lyonse ilyo twakwatamo isenge, tulakulilako mubusumino. Ubusumino bwesu bufwile ukulangwa nge cine, nga filya Larry asangile ukulanga ubusumino Ici citulenga ukukwata icitetekelo umupwilapo elyo cilenga no kuti tukulileko mu busumino bwesu.

2. TULABA BA KAMBONI BAKWA YESU UKUPITILA MU MIKALILE YESU

Cilumendo umo uwakulile mungánda umo bale bomfya amashiwi ya miponto bumo bushiku atile: "Naloleshe pa bafyashi bandi, abo mumikalile yabo tamwali bu Lesa nakalya; ecalengele uku kana kwata icilangililo ica kutemwa." Abantu abatushungulwike balakabila sana sana umo uwinga be sontelelo kuli Lesa. Balakabila umo uwinga balanga imibele ya kwa Lesa. No kucila ubushimikilo ubwafikapo mikalile yesu. Pantu lintu umuntu talati omfwe ifyo waishiba, afwile amone ifyo wasumina mo. Petro atucinkula ko ati:

"Mwende bwino mu bena fyalo; ukuti… bacindike Lesa mubushiku bwa cipempu pakuloleshe milimo yenu isuma… pa kuti na Kristu aculile imwe no kumushila ica kumwenako,… mumaka yakwe 1 Petro 2:12-21.

Napamulandu Kristu aculile ifwe pa Kalivali twalikwata icilangililo ca umo uwatu fwilile pamulandu wa kutemwa. Nga cakuti na ifwe twalanga uku kutemwa mu micitile ku bantu banensu, kuti ca twafwa ukuleta abashasumina kuli Kristu.

3. TULABA BA KAMBONI BAKWA YESU UKUPITILA NA MU MATOTONKANYO YESU

Ilyo kasebanya a belamine Yesu mu matololo, no ku mu bembwila kufya kulya naku cilumba no mutunganya, Yesu amucimfishe ukubomfya amalembelo ya mucipingo (moneni Mateo 4:4, 7, 10). Yesu lyonse ali uwa ipekanishisha pantu aiswile mo ne fishinka ifya mu cipingo. Palici epabela inkama ya kucimfya mu mitontonkanishishe yesu. Amapinda 23:7 yatila "ifyo fine fye (umuntu) atontonkanya mumutima wakwe efyaba". Abena Kristu abakula mucisumino batontonkanya ifya kumulu. Babika amano yabo pakwambula imibele isuma. Pantu nakuba abena Filipi 4:4-9 isosa ifyo: "Sekeleni pe muli Shikulu,... lelo mufintu fyonse lekeni ifya kulomba fyenu fishibikwe kuli Lesa mu kupepa no kupapata pamo no kutotela; no mutende wa kwa Lesa uwapulamo mu kwiluka konse, wakulalinde mitima yenu na mapange yenu muli Kristu Yesu. Ica kulekelesha, mwe ba bwananyina, tontonkanyeni fyonse ifya cine, ifya mucinshi, fyonse ifya bulungami, fyonse ifyayemba, fyonse ifya mutembo, nga kwabe ca kutasha, tontonkanyeni ifi fintu. Kabili ifyo mwasambilile no kupokelela kuli ine, ne fyo mwaumfwile no kumona muli ine, citeni filya fine; e lyo Lesa wa mutende akaba na imwe."

Ifyo tulisha amatontonkanyo yesu fila tukuma mufingi. Inga twabikamo ifya buwele wele, fya buwele wele fine efika fuma mo. Inga twabika amashiwi yakwa Lesa ninshi mweo wabu Lesa e ukafuma mo.

4. TULABA BAKOMBONI BAKWA YESU NA MUMIMONEKELE YESU

Ngo mwiminishi wa kwa Kristu, umwina Kristu afwile ukuba uwa cindama na mumimonekele. 1 Petro 3:1-5 itila "…ukuti na bakano kuumfwa ku cebo bakolopekwe ukwabule cebo… pakulolesha imibele yenu ya kaele iya mu katina. Mwiba abasamo kusama kwa ku nse, ukwa kuluke mishishi, no kwa kufwale fya golde, nangu kwa kufwala amalaya ya mataki; lelo abasamo muntu uwabelama uwa mu mutima, uwafuka kabili uwatalala, uwabo uwa finisha ku cinso ca kwa Lesa. Pantu efyo… abacetekele Lesa kale baipulamike…."

Ukuicefya mu mifwalile na mumimonekele lyonse cilanga ukufumaluka kwa mibele ya bwina Kristu. Nakuba, bambi bafwile ukubembulwilwa kuli baifwe fwe bena Kristu tepafyo tulanda palwa mifwalile, lelo nipafyo imibele yesu ilanda palwa kwa Kristu.

5. TUKWATA ICAKANISHIWO MULI KRISTU MU MICITILE YESU

Ii njishikweba, Edward Gibbon aa shimika ifyo ilyo Galerus uwali pa bashilikale abasanshile inkambi sha bena Pesia, aka mufuko akabengeshima umwali ifipe fya mutengo kaponene muminwe ya mushilikale umo. Uyu muntu asungileko akacola no kuposako amabwe yoonse ayamutengo wa patali.

Abantu aba kakatila kufya mucalo pa nshita imo ine bala lekela ko kuli Yesu no Yesu no kuposa ica bupe icacila pamabupe yoonse, babipo kucila na ulya umushilikale. Teshukofye tulufya, lelo bupususho. Eco amalembelo yatwebe ati;

"Mwitemwa pano isonde, nangu ifya pano isonde; ngo muntu atemwa pano isonde, ukutemwa Shifwe tamwaba muli wene; Pantu conse ca pano sonde lunkumbwa lwa mubili, no lwinso lwa menso, na mataki ya mikalile ino, tacafuma kuli Shifwe, lelo ca pano isonde. Kabili pano isonde paleya, no lunkumbwa lwa pako; lelo uucito kufwaya kwa kwa Lesa ekalilila umuyayaya." - 1 Yohane 2:15-17.

Satana ala bombesha pakulenga imibele na masambi ya shaibipila uku moneka ifisuma. Pamo ngo kongwela abantu ku bwalwa na fimbi ifikola. Mulifi batemwa uku langisha abantu imisepela, abacimwemwe kwati nalimo mukupumbukila kukunwa mwaliba isho nsansa. Tufwile ukuba abacenjela ilyo tule ampana na bantu bambi pakuti tatonawile ifyo twasuminamo (2 Corinto 6:14). Nangu cibe ifi, Yesu alafwaisha ukuti tufike no kwampana nabashili ba mubusumino bumo naifwe. Lelo mumone ifyo ici cibusa tacimubweseshe mu fya mampulu yenu aya kale. Nga filya tulandile, ifyo tubika mumano yesu, elyo fye ne fitusekesha fyalikwata makaa pa busumino bwesu. Kanshi tufwile ukuba aba iluka pa fyo tule pela kumatontonkanyo yesu.

"Nshakabike pa mulola wa menso yandi icintu ca bucinangwa; napate milimo ya bapumba, te kuti ilambatile kuli ine." - Amalumbo 101:3.

Nga twa lisha imweo yesu ifisuma, ifintu ifya kowela tafya kasange incende mu myeo yesu no kutubweseshe numa. Ala ukwikatilila kufya bucindami mu mayanda yesu teti fitupusule kufya shala iyo. Nakuba alikwata ifingi ifya ku musansamusha ukucila u uli onse.

"Kucinso cenu kwabo ukusekelela ukwa fikapo." - Amalumbo 16:11.

6. TULABA BAKAMBONI BAKWA YESU NA MU MIPELELE

Palubatisho lumo ulo kakumba umuyashi H.M.S Richards acitile, kwalipo umo umulumendo uwali no kubatishiwa uwa kwete indalama mu matumba yakwe. Ilyo kakumba amwene ifi aipwishe cilumendo nga cakuti alabilefye uku fumyamo. Pa kwa suka uyu mulumendo atile: "Akabuku kandalama ne ndalama naine tule batishiwa pamo." Mukumona uyu mulumendo ali wilwa no mupashi uwacine uwa bwina Kristu uwa kupepa mukwafwa bambi. Abena Kristu balakula mu bwina Kristu bwabo ilyo bale pela. Eco umwine Yesu atile "mwalibe palo mukupela; temukupokelela iyo" (Imilimo 20:35).

Ico conse ico tupela pa kulundako ubufumu bwakwa Lesa ciba ca muyayaya.

Mateo 6:19-21 itila, "Mwilonganikila fyuma pano isonde, apo icipelebesha ca bushiku ne ndalawa filonaula, apo abapupu batulamo no kwiba; lelo ilonganikileni ifyuma mu mulu umo icipelebesha nangu ni ndalawa tafyonaula, umo abapupu tabatulamo nangu kwiba Pantu ukuli icipao cobe, e kuli no mutima obe."

"Fya kwa Yehoba pano isonde, ne fyaisulapo" (Amalumbo 24:1). Hagai atila; "Silfere wandi na golide wandi, cisemo ca kwa Yehoba (Moneni Hagai 2:8). Naifwe bene tuli bantu bakwe pantu atupuswishe ku membu shesu pa mulopa asumishe - umutengo ushaikulila (1 Korinto 6:19-20). Fyonse ifyo twakwata fyakwa Lesa pantu eutupela amaka aya kulenge fyuma (Amalango 8:18). Moneni ifyo umupusushi wesu atwita ku kukwata ko icakaniko na wene mu kusalanganya imbila na kuli bambi.

"Bushe umuntunse kuti afinsha Lesa? Lelo imwe mulefinsha ine. Kabili mutila, Ni mu nshi twamufinshisha? Ni mu ca pe kumi, na mu ca musangulo... Leteni ica pe kumi conse mu ng'anda ya cipao, ukuti mubemo ifya kulya mu ng'anda yandi, kabili shi mundabwile kuli ico, e fyo Yehoba wa milalo asosa; mumone nga nshakamwiswile ifipunda fya mu mulu no kumupongolwele palo, kukasuke kukabule incende ya kubapo." - Malaki 3:8-10.

Ice kumi cimo pafya pekumi mu ca cibwesha (Amalango 14:22; Ukutendeka 28:22). Kuba limi nangu abasangwa mu makwebo ica pe kumi cifwile ukufumyapo ilyo fyonse ifya poselwepo fya fumishiwapo. Lelo ku ubomba wene ku fumya pamalipilo ayo afwile ukupoka. Ukupela kwa cekumi kwa suntinkana ne mibele yesu. Mukufilwa ukuleta ice kumi, tulafinsha Lesa. Ice kumi ca kwa Yehoba na palico cifwile ukubomfiwa pa milimo ya ku lundako ubufumu bwakwa Lesa epela (1 Korinti 9:14) no kupwishishisha umulimo wa mfumu yesu Yesu Kristu pakuti engesa bwangu (Mateo 24:14).

Ilyo Yesu aishileikala naifwe, alisuminishe musango wa kula pela ice kumi mu nshita ya cipingo cipya (Mateo 23:23).

Nga pa lwa musangulo, nishani? Umusangulo taba patikisha, lelo ica umo na umo kumu tima wakwe. Moneni (2 Korinti 9:5-7) Luka 6:38 itila "…peleni, lyene kukapelwa kuli imwe icilingililo cisuma; icashindailwa, icasunkaniwa, icasempauka, e cikapelwa mu ceni cenu…."

Ubushiku bumo kukulongana, kakumba H.M.S. Richards aitilwe kumuntu umo pambali. Imilimo ya uyu muntu yali kupanga indalama mukupitila muma kwebo ya bufumfu ntungu. Ba cili balelanda cilumendo afumya indalama ishingi $500 apela kakumba ati wene e ce kumi cakwe. Mu kumoneka, uyu muntu ali uwalwalilila. Ici capapwishe kakumba. E ico amwipushe ati "ni shani nomba mune ifyo iwe wa kulaikala?" Pa kwasuka atile te shibe lelo wene alifye no tupiya utunono $6 uto twine Lesa aka musuminisha ukumwafwa. Mucine Lesa alimwafwile. Ukulapila kwa uyu mulumendo kwali ukwa mufuma cumi. Abwelelemo uwa shishiwa kabili uwansansa mubwina Kristu bwa kwe. Lesa ali mwafwile mpaka na mukufwa kwakwe.

Lelo mwibukishe ukuti Lesa talaya ukuti bonse aba bwesha ice kumi mucishinka baka nonka iyo. Nomba twalikwata ubucetekelo no bulayo ukuti Lesa akatupela ifyo tukabila mubwikashi bwesu. Kristu alipela kale kuli baifwe, naifwe na tumupele imitima yesu umupwilapo. Natupele Kristu kuba nensu ukupitila mu mikalile yesu, amatontonkanyo yesu, imi monekele yesu, imicitile yesu, elyo na mu kupela kwesu.