INKAMA YE PEPO ILYA SUKWA

Anatoli Levitin kalemba kabili uwaishiba pafyakale, uwaku calo ca Russia mu kufyalwa, aposele imyaka iingi mu cifulo ca Siberian Gilag umo imipepele yakupapatila kuli Lesa yalemoneka iya fubalishiwa pa mulandu wa kutitikishiwa. Lelo abweleleko ukufuma kuli ici cifulo uwakosa muli bu mupashi bwakwe.

"Icisungusho cikalamba pali fyonse lipepo," efyo alembele. "Mfwile fye mu matontonkanyo yandi ukulungama kuli Lesa, elyo mukukana posa inshita ngumfwe amaka ayeesa mu mubili wandi oonse fye ukufuma ku ncende imo. Ni cinshi ici? Nikwi uko ine, ne mukote kabili uwanaka mubwikashi kabili uwabula nefyo ndi, ninga fumya amaka aya ku mpanga cipya-cipya elyo no kumpususha, elyo no kunsumbula ukumfumya panwe samba lya calo? Aya maka yafuma kunse ya mubili wandi - elyo kabili takuli amaka mu calo coonse fye ayenga shaansha aya maka.

Muli ici citabo cakutungulula, tuli no kumona ifyo ipepo linga twafwilisha ukukuula icibusa icakosa na Lesa elyo no kukwata ubwina Kristu ubwakosa.

1. UKULANSHANYA NA LESA

Bushe kuti twa shininkisha shani ukuti Lesa alatumfwa ilyo tupepa?

"Elyo mukalilila kuli ine, kabili mukesa no kupepa kuli ine, naine nkomfwa kuli imwe, nga mwamfwaya, mukansanga; ilyo mukamfwaya imitima yenu yonse, nkamoneka kuli imwe…" - Yeremia 29:12, 13.

Kushininkisha nshi uko Yesu apela ukutila akoomfwa nokwasuka amapepo?

"Naine ndetila kuli imwe: lombeni cikapelwa kuli imwe, fwayeni, mukasanga; kunkunsheni, cikeswilwa kuli imwe." - Luka 11:9.

Ipepo lyaba pa mbali shibili ishakulanshanya. Efyo Yesu alaile:

"Mona ninjiminina pa mwinshi no kukunkunsha; ngo muntu aumfwe shiwi lyandi no kwisulako ku mwinshi, ndeingila kuli wene no kuliila pamo nankwe umulalilo, na wene alelila pamo na ine." - Ukusokolola 3:20.

Kuti caba icayanguka shaani ukwikala na Yesu no kukwata icakulya icakulanshanya mu nshita isuma iya bushiku?

Ica kubalilapo ku mweba fyonse ifili mumitima yesu mwipepo. Ica cibili, ku bikako amano mu kumfwikisha. Ilyo twakwata akashita akaibela akakupepa, Lesa kuti alanda naifwe ukwabula ukubomfya inshila shimbi. Cimbi, ilyo tusenda inshata no kulanda na Lesa ukupitila mukubelenga icebo cakwe, Lesa akalanda naifwe ukupitila mu mapepala ya cebo cakwe.

Ipepo kuti lyasanguka umubela wa mweo wa mwina.

"Pepa Ukwabula ukuleka; sekeleni inshita shonse; pepeni nokukana leka. Muli fyonse toteleni; pantu uku e kufwaya ukwakwa Lesa ukwa kuli imwe muli Yesu." - Abena Tesalonika 5:16-18.

KUTI TWAPEPA SHANI UKWABULA UKULEKA?
Bushe tufwile ukufukama pa makufi yesu inshita fye yoonse nangu tufwile ukukonkanyapo fye ukulabwekeshapo amashiwi yamo a yamu tatakula nangu aya kupapatila kuli Lesa? Iyo tefyo cifwile ukuba. Lelo tufwile ukuba no bwikashi ubwa kwi katilila kuli Yesu icakutila kuti twaba aba kakuluka ukulanda kuli wene inshita iili yonse, ukuli konse."

"Mukati kebumba, mu misebo, mu nshita yakuba pa mulimo, kuti twatuma ukulomba kwesu kuli Lesa no kupapatila ukutungululwa na bu Lesa… tufwile twakwata umutima uwaisuka lyonse elyo no kukwata ubwite bwesu ubwa kumulu pakutila Yesu engeesa no kwikala mu mubili wesu ngo mweni wa ku mulu." - Steps to Christ, 99.

"Ukwetetula kwandi kube ukwalowa kuli wene, ine ndesamwa muli Yehova." - Amalumbo 104:34

Wila bilima ilyo ule pituluka mufya kulomba koobe ilyo ulepepa. Loleela. Umfwa. Inshita inoono iya kwibukisha ifyo pepa kuti fya kuletelela ubunonshi ubukalamba na Lesa obe:

"Palameni kuli Lesa, na o alapalama kuli imwe." - Yakobo 4:8.

Ilyo twapalamina kuli Yesu, elyo twinga sanga ukubapo kwakwe. Eico mube muntafu iya kulanda na Yesu, elyo wisakamana pa fyakulanda amashiwi ayengi tayafwaikwa. Landa fye mu cishinka elyo palwalala. Landa fye pali fyonse. Alipitakale mukucushiwa ne mfwa pakuti enga ba cibusa obe uwacinshinka.

2. IFYAKUPEPA

Ilyo twakwata umulimo wakupepa, kuti twafwaya ukukonka umusango we pepo ilya mfumu, icilangililo cepepo Yesu afundile kubasambi bakwe mukwasuka ukulomba kwabo: "Tufundishe ifya kupepa."

"Eico imwe pepeni ifyo, amuti: shifwe wa mu mulu, ishina lyenu libelwe akatina. Ubufumu bwenu bwise. Ukufwaya kwenu kucitwe pano nse nga mu mulu. Tupeleni lelo ica kulya cesu ca bukaca. Tulekeleleni imisha yese, ifyo naifwe twalekelela abatuliile misha. Mwitutwala mukweshiwa, lelo mu tupokolole ku bubifi, pantu ubufumu bwenu namaka elyo nolulumbi fyenu umuyayaya, Amen." - Mateo 6:9-13.

Ukulingana no musango Yesu apelelemo ili pepo, tufwile ukwisa kuli Lesa nga shifwe uwakumulu. Ukwipusha ukutila ubufwayo bwakwe butungulule imitima Yesu pamo fye ngefyo ubufwayo bwakwe bu ciimfya mu kati kakumulu lyonse fye. Tula mufwaya pa kutila atupeleko amaka ya fwaikwa mumubili, pa kulekelelwa, elyo no kukwata icimo ca ku lekelela. Tufwile ukwibukisha ukutila amaka ayakukanya ubupulumushi ya fuma kuli Lesa. Ipepo lya kwa Yesu, lisondwelele na mashiwi aya kulumbanya.

Inshita imbi Yesu aebele abasambi bakwe ukupepa kuli wishi. "Mwi shina lyandi" (Yohane 16:23) icilepilibula ukutila, ukupepa mu kumfwana kwa mufishinte fyakwa Yesu. E mulandu wine abena Kristu pakwisalila mwi pepo besala na mashiwi yakutila: "Mwishina lyakwa Yesu, Amen". Amene lishiwi lya muci Hebere ilipilibula "cibe ifyo fine."

Nangu cakutila ipepo lya mfumu lilapeela inkonka ifyo tufwile ukupepa elyo nefyo tufwile ukupanga ipepo, ukulanshanya na Lesa kulabomba bwino nga cakutila umutima uli uwabatama.

Kuti twapepela cili conse, Lesa alatwita ukupepelela ukulekelelwa kwa mpulumushi shesu (1 Yohane 1:9). Ukukusha icitetekelo (Marko 9:24), ifi fwaya ubumi (Mateo 6:11), Ukuposhiwa ukufuma muku cushiwa namalwele (Yakobo 5:15), elyo no kupongolwelwa no mupashi (Sekaria 10:1). Yesu alatulaya ukutila kuti twatwala "fyakufwaya elyo nefya kusakamana kwesu kuli wena, takuli iciitwa icinono icotushinga pepelela.

"Amasakamiko yenu yonse bikeni pali wene - pakuti asakamana imwe." - 1 Petro 5:7.

Umupusushi wesu aliba uwa kusekela muli coonse ico ica mu myeo yesu. Umutima wakwe ulaba necikabilila ilyo imitima yesu yafika kuli wena mu kutemwa elyo na mucitetekelo.

3. IPEPO LYA MUBU MFINSOLO

Fwebengi twalikwata ifintu ifyo tushinga shinga ukwebako nabanensu sana. Ni pali ici Lesa alatwita ukutuula ifi fisendo mwi pepo lya munkama: Umo na umo na wene. Tecakweba ati kuli amashiwi ayo alefwaya. Uwapulamo wesu alishiba ukutina kwesu ukwa mubumfinsolo, ukutontonkanya kwesu ukwa fisama elyo nefyo tukanya ukucila nefyo twaishiba fwe bene. Lelo tufwile ukwisula imitima yesu kuli uyo uwatwishiba bwino-bwino elyo no kututemwa ukwamuyayaya. Ukuposhiwa kuti kwayambako ilyo Yesu aikata pa filaso fyesu.

Ilyo tupepa, Yesu, shi mapepo wesu mukalamba, alaba mupeepi ukutwafwilisha.

"Pantu tatuli na shimapepo mukalamba uushinga tusakamana kuku naka kwesu, lelo uwaeshiwe kuli fyonse ifyo fine naifwe tweshiwako, no kubulo ku bembuka. Eico tupalamine no kupama kucipuna ca bufumu ica kusenamina ukuti tumone uluse no kusango kusenamina ku kutwafwa pa nshita ya kukabila kwesu." - Ba Hebere 4:15, 16.

Bushe ulomfwa ukusakamana, ukumanama, uwa mulandu? Cibike pali shikulu. Kuti atupela ifya kukabila fyesu.

Bushe tufwile twakwata icifulo icaibela ice pepo lya mubumfinsolo?

"Lelo iwe ilyo ulepepa ingila ne cibi cobe, no kupepa kuli wiso, uli mu bumfisolo, na wiso uumona mu bumfisolo, akakulambula." - Mateo 6:6.

Ukulundapo fye pa kupepa ilyo tuleenda mumisebo, ilyo tuleboomba pa ncito, nangu ilyo tulesansamuka mu kulongana kumo, umwine Kristu oonse afwile cila bushiku akwata akashita pa mbali akepepo ilyakwe eka elyo no kusambilila icipingo. Kwata inshita cilabushiku iya kupangaana na Lesa iyo winga yumfwa ukuti uli uwa ipekanya elyo kabili kuti wa posako sana amano.

4. IPEPO LYA PALWALALA

Uku kumbinkana na bantu bambi mwipepo cilaleta icumfwano ica ibela, elyo no kwita amaka yakwa Lesa mu shila iya ibela.

"Pantu ukuli babili napamo batatu abalonganina mwishina lyandi eko ndi mukati kabo." - Mateo 18:20.

Icintu icikalamba ukucila ico twingacita pamo nga ulupwa kukwata ubumi ubwe pepo bonse pamo. Abana bamone ukutila kuti twatwala ifyo tulefwaya kuli wene ukwabula uku bomfya inshita shimbi. Bakaba abakusekela muli Lesa ilyo bamona ukwasuka kwe pepo mu kukana filwa mubumi. Pangeni ukupepa kwa mulupwa icintu icansaansa, inshita ya ku tusha mu kwabana iceebo.

5. INKAMA CINEKONSEKONSE ISHE PEPO ILYASUKWA

Ilyo Mose apepele, icimana cakashika ca pabwike. Ilyo Eliya apepele, umulilo wa fumine ku mulu. Ilyo Daniel apepele, umungeli aisele utunwa twa nkalamo ishabonaushi. Icipingo cilatupela ifintu ifingi ifye pepo ilya sukwa. Cilasontelela na kwipepo nge nshila imo iya kupokako ku maka yakwa Lesa. Yesu alilaya:

"Nga mukalombela akantu mwishina lyandi, ine nkacita." - Yohane 14:14.

Leelo cimoneka kwati amapepo yamo ta yomfwikwa. Cinshi? Moneni ifintu cine lubali ifikamwafwilishako ukupepqa mu musango ufwa ikwa:

(1) Ba pepi na Kristu.
"Nga mwaikala muli ine, ne fyebo fyandi fyaikala muli imwe, lombeni ico mulefwaya naco cikamucitilwa." - Yohane 15:7.
Ilyo twa panga icibusa cesu na Lesa nga icintu icakubalilapo, elyo no kuba mukulanshanya nankwe, tukala unfwila no kulalolela amasuko kumapepo yesu, ayo ngatacili fyo, teti yeshibwe ati yacipepwa.

(2) Konkanyapo Ukutetekela.
"Ne fintu fyonse ifyo mwalomba mukupepa namutetekela, kuti mwapokelela." - Mateo 21:22.

Ukusumina, nangu ukukwata icitetekelo, cipilibula ukutila mu cishinka tule lolela kuli shifwe wesu uwa mumulu ukutupela ifyo tulefwaya. Nga cakuti wa cushiwa mukubula icitetekelo ibukisha ukutila umupusushi wesu apangile icisungusho ku muntu uwapapatile mukupelelwa:

"Kabili apo pene wishi wa mwana e pa kubilikisha ati Ndetetekela: njafweni ku kukanatetekela kwandi." - Marko 9:24.

Nkonkanyapo fye ukulabomfya icitetekelo ico wakwata: wisakamana pacitetekelo ico ushakwata.

(3) Cimba mumutelelwe ku bufwayo bwakwa Lesa.
"Kabili uku ekupama tuli nako kuli wene, ukwa kuti nga twalomba akantu akalinene no kufwaya kwakwe atuumfwa." - 1 Yohane 5:14.

Ibukisha ukutila Lesa afwaya ukutufundisha, elyo no kutupeela ifintu, ukupitila mwi pepo. Inshita shimo "alakana," limbi atulosha muntunga imbi. Ipepo enshila iya kupokelamo ifintu ifingi no kuba mukulanshanya no bufwayo bwakwa Lesa. Tufwile twaba abaku cenjeshanya mukwasuka kwakwa Lesa elyo no kusambililamo fimo. Ukusunga ifyo twipusha elyo ne fitumbukamo kuti cayafwilisha sana.

Umupashi wa mushilo uka kwafwilisha ukucita ifya lungama: "Kabili uufwayafwaya mu mitima aishibo mutima wa Mupashi, ico upapatila abamushilo umwalolo kufwaya kwa kwa Lesa" (Abena Roma 8:27).
Ibukisheni ukuti ukufwaya kwakwa Lesa nga kuti twamona ifyo amona.

(4) Loleela mu mutekatima pali Lesa.
"Ukulolela nalolelele Yehova; na o ateyeme kuli ine, no kuumfwe nkuta yandi." - Amalumbo 40:1.

Icintu icikalamba apa ku toonta fye pali Lesa, ukutoonta koobe kube mu kwasuka kwakwe. Wila mwipusha Lesa ukukwafwa mu bufungau bwanshita imo elyo kabili pa nshita yakoonkapo waesha ukunwesha amacusho yobe mukufwaya ifya kuisekesha. Loleela mu kutekanya pali shikulu; tulafwaisha kulya kusalapulwa.

(5) Wiikatilila ku bupulumushi ubuli bonse.
"Nsaminwo bulungani mu mutima wandi shikulu nga taumfwile." - Amalumbo 66:18.

Ubupulumushi bwaishibikwa bulatupela amaka yakwa Lesa mu myeo yesu; bulatukanya ukufuma kuli Lesa (Esaya 59:1-2). Teti wiikatilile kubupulumushi no kuboko kumo elyo ubomfye ukubiye ukusanga bu Lesa. Ukuyebelela impulumushi elyo no kulapila ukwacinshika kulapwisha ubwafya.

Nga tatulefwaya ukusuminisha Lesa ukutukakula ukufuma ku matontonkanyo ayabi, amashiwi, elyo ne micitile, amapepo yesu tayakabe na maka.

"Mulalomba kabili tamupokelela, pa kuti mulomba bubi bubi ukuti muposaike mu mangalo yenu." - Yakobo 4:3.

Lesa takasuke ati "ee" kumapepo aya bukaitemwe. Isuleeni amatwi yeenu kwifunde lwakwa Lesa, ubufwayo bwakwe, elyo akesula amatwi yakwe ku kupapata kwenu.

"Uufumyo kutwi ku kuumfwa amalango, ne pepo lyakwe line ca muselu kuli Yehoba." - Amapinda 28:9.

(6) Ukufwaisha ukuba na Lesa.
Lesa alasuka kuli abo abepusha ukubapo kwakwe elyo na maka mumyeo yaabo.

"Balishuka abali ne nsala ne cilaka ca bulungami; pantu bene kakekuta." - Mateo 5:6.

(7) Ukukonkanyapo Mwi Pepo.
Yesu alondolwele ubufwaisho bwakukana leka mukulomba kwesu pakupeela ilyashi lwakwa mukamfwilwa umwanakashi uwa konkenyepo fye ukwisa kuli kapingula no kulomba kwakwe: "Lelo pa mulandu wa kupaamfya uyu mukamfwilwa, nka musosele umulandu, ukuti entendusha pa kwisa pe pe. Awe shikulu atile, Umfweni ico kapingula uushalungama asosa. Lelo bushe na Lesa takasosele abasalwa bakwe umulandu, abalilila kuli wene akasuba no bushiku? Bushe akakokosho mulandu wabo? (Luka 18:5-7).

Lanshanyeni ifya kufwaya kwenu, ifya kulolela kwenu elyo ne fya mapange yenu na Lesa wenu. Mwipushe amapaalo aya ibeela aya bwafwilisho mu nshita ya kufwaisha. Konkanyenipo ukufwaya, elyo no kumfwa, mpaka fye mwasambilila po cimo ukufuma ku bwasuko bwakwa Lesa.

6. ABANGELI BALATUMIKILA KU FIFWAIKA KULI ABO APAPEPA

Shi malumbo aalisekeleele ukutila ukupitila mu mibombele ya mungeli wakwa shikulu amapepo yalyaswike.

"Naifwe Yehoba, na o alinjaswike, na mu fya kunengo munsokwe fyonse alimpokololwele. Lolesheni kuli wene, no kubeeka, nefinso fyenu tafyaka fwilame. Umulandu uyu alililile, nao Yehoba alyumfwile, no kumupususha mu fya kumanama fyakwe fyonse. Malaika wakwa Yehoba acite nkambi ukushinguluka pa ba mutiina, no kubapokolola." - Amalumbo 34:4-7.

Ilyo tupepa, Lesa alatuma abangeli ukwasuka amapepo Yesu (Abahebere 1:14). Umwina Kristu onse aalikwata umungeli uumulinda.

"Cenjeleni ukuti mwisule kamo ka mutunono utu; pantu ndemweba nati bamalaika ba tuko mu muulu bamone cinso ca kwa tata uuli mu mulu. (Ifyo fine te kufwaya kwa kwa Shinwe uuli mu mulu Ukuti kamo pali utu tunono konaike." - Mateo 18:10.

"Icongwe cenu cishibikwe ku bantu bonse; shikulu ali mupepi. Mwisakamikwa nangu kamo, lelo mu fintu fyonse lekeni ifya kulomba fyenu fishibikwe kuli Lesa mu kupepa no kupapata pamo no kutotela, no mutende wakwa Lesa, uwapulamo mu kwiluka konse, wakulalinde mitima yenu na mapange yenu muli Kristu Yesu." - Abena Filipi 4:5-7.

7. UBWIKASHI BWA MWINA KRISTU

Icipingo cilalondolola ubwikashi ubwaibela bwa mwina Kristu. Ukulingana na Abena Efeso 4:22-24 umwina Kristu afwile afula ubuntu bwakale, ubwamibele yantaanshi ubuleonauka ku lunkumbwa lwalongolo, awe mulengwe abapya ku myeo ya mitima yenu; no kufwalo buntu bupya, ubwalengelwe mu cipasho cakwa Lesa mu kulungama no kushila kwa cine."

Muli aya malembelo elyo na mwisambililo 6 twasangile ukutila pakufyalwa ukwa cipya cipya tula bumbwa nakabili ukuba umuntu uwaibela muli Kristu.

Ili sambililo na masambililo mutanda ayalekonkapo, yaleelenga ubwikashi bwa mwina Kristu ukusokolola inkama ishakuba umwina Kristu uwa nsaansa. Fikakwafwilisha mukukula ukumfwana na Kristu, ico icikatwala mu bwikashi bwa bwina Kristu ubwaibela. Eico toonteeni amenso yenu pali Yesu ilelo elyo no kubamo no lubali muli kulya kusekela kwa ku ciimfya ilyo mutende wakwa Kristu ukateeka ukwabula ukutaakanishiwa.