UKUFUMA KULI BUMPULA MAFUNDE NO
KUBA UWAELELWA UMULUNGAMI

Takwali fifwati fyaminwe. Takwali filwilo fyasangilwe. Takwali uwamwene kepaya aingila mu ofeshi yakwa shing'anga. Takwali no wa umfwile ukulila kwa fisase kunse. Lelo shinganga asangilwe nalantama kunuma yetebulo lyakwe. Impolopolo shisano esha pitile mwishati lyakwe. Chamoneke kwati misoka. Bakapokola pantanshi tabasangile cinshinka lelo bamwene akalusambo akanono akaleikatilila pensulo ya kwa shing'anga petebulo lyakwe. Icikatilo ca pensulo, elyo baisa ibukisha, kanshi eya fishile Microphone iyo shing'anga alebomfya nga lelanshanya nabalwele pakubo ndapa. Abale fwailisha imilandu bwangu bwangu bafungulwile tape. Kucakupapisha, batampile ukumfwa kuli uyu mulandu ifyo wali. Umwaume we shina lya Antony alingile mu Office atampile no kupanga ifyongo sana na shinganga. Impolopolo shalila shaumfwika. Tape yapwile nokupunda kukalamba kwakwa shing'anga, afwila na pa carpet.

Fyonse ifibi fyalilembelwe. Lelo uwaipeye atontonkenye ifyo umulandu wakwe tawakatale awishibikwa ukabelelefye ica nkama. Ali cenjele sana ukukana shako nangu cimo icishibilo. Lelo tape yalandile fyonse ifya citike.

Mu lili sambililo twalasambililamo ubupingushi bwakwa Lesa bwakushalikisha ilyo abantunse "bakapingulwa ukulingana nefyalembwa mumabuku" (Busokololo 20:12). Kuli abo aba shapokelela Kristu ngo mupusushi wabo, likaba lyashi ilibi. Lelo ubupingulo bukaba lyashi lisuma kuli abo aba sanga Kristu ichakufisamamo.

1. IFYO WINGEMININA KUBUPINGULO KWABULA UMWENSO

Nani akapingula ichalo?

"Wishi takapingule nangu umo, lelo apela amaka yonse muli mwana." - Yohane 5:22.

Nge chapindama chateyenye shani Kristu ukuba kapingula wesu?

"Lesa amupele nge lambo (Yesu) lyakwipailwa, kuputila mu cicetekelo mu mulopa wakwe. Acitile ci ukumulangisha pamo nga kapingula, … pakuti abe uwalungama kabili umo ungalungamika abo ababa ne cicetekelo muli Kristu." - Abena Roma 3:25, 26.

Imfwa ya kwa Kristu pamo ngo waiminine mucifulo cesu, ei mulenga ukubomba nga kapingula wacine kabili uwacikuku cafulisha uwingelela imembu walapila. Elyo abakumulu aba tamba baipusha ilipusho, "nga kapingula wacishinka kuti alila shani kumuntu wa mulandu ati taukwete mulandu?" Kristu kuti aasuka ukupitilafye mukusonta kufibalo fyakwe muminwe. Alipokelela ubulungami bwesu bwa mpulumushi mumubili wakwe.

Amabuku ya kumulu yalisunga fyonse ifyalembwa pa mweo wa muntu onse fye, nefi fya lembwa efyo bakabomfya pa bupingulo (Busokololo 20:12). Neyi embila yabipisha kuli abo abatontonkanya ukuti ifyo bacitile ifyankama nemilandu tafyakabasange. Lelo kuli imbila ishisuma ishakupapa kuli abo abapokelela mucishinka Yesu Kristu nga ndubulwila wabo kumulu. Umulopa wakwa Yesu… ulatuwamya ukufuma ku membu (Yohane 1:7). Cinshi ico Yesu atupela muku shintishanya pa membu shesu shampulumushi?

"Lesa alengele Yesu ushali namembu ukuba wamembu shesu, pakuti muli wene twingaba abololoke bakwa Lesa." - 2 Abena Korinti 5:21.

Umweo wesu wampulumushi washintushiwa pa mweo wakwa Kristu uwa bololoke. Pamulandu wakwa Yesu uwabula umweo wampulumishi ne mfwa, Lesa kuti atwelela no kutucita kwati tatwali nalubembu. Cinshi calenga ukuti Yesu abe ndubulwila wesu nakapingula wesu?

2. LESA AISHILE PANSHITA

Pakubatishiwa kwakwe, Yesu alisubilwe na mupashi wa mushilo:

"Bwangu Bwangu ilyo Yesu abatishiwe, afumine mumenshi. Pali ilya nshita umulu waliswike, amwene umupashi wamushilo uleikila kwati cipele no lubuto pali wene. Neshiwi lyafumine kumulu lileti, 'uyu emwana wandi uyo natemwa, muli wena ndesekela." - Mateo 3:16, 17.

Ilyo Yesu bamubatishe na mupashi wa mushilo abasambi bakwe babilishe: "twasanga mesaya Kristu" - Yohane 1:41.

Abasambi balishibe ukutila ishiwe lya ci Hebere "Mesiya" ne shina muci Greek "Kristu" fyonse fipilibula uwasubwa. Luka, umusambi wakwa Yesu, alilembele ukusubwa kwakwa Yesu nga mesaya. Awe mu mwaka walenga kumi naisano kuli bumulopwe bwakwa Tiberi Kaisare (Luka 3:1). Kuli ifwe ninshi caba umwaka AD 27. Ukucila pamyanda isano ilyo Yesu talati abe, ubusesemo bwakwa Daniele bwalisosele ukutila Yesu akabatishiwa nga mesaya mu AD 27:

"E ico ishiba, no kushilimka, ukutula pa kufuma kwa cebo ku kulenga Yerusalemu ukwikalwamo no kukulwa, ukufika ku wasubwa, cilongoshi, kukaba ba cinelubali cinelubali ba myaka, kabili bacinelubali amakumi mutanda na babili ba myaka; umusumba ukabwelelamo, no kukulwo musebo ne linga ilili ne mpembwe, mu nshita sha nshita." - Daniele 9:25.

Imilungu cine lubali ne milungu amakumi mutanda nayabili yonse pamo milungu amakumi mutanda na pabula nangu 483 inshiku (7 X 69 = 483 inshiku). Mubumpashanya bwa busesemo mu cipingo ubushiku bumo cimo no mwaka umo (Esekiele 4:6, Impendwa 14:34), ekutila inshiku 483 emyaka 483. Daniele asubile ukutila icebo calandilwe cikacitika ica kubwesha no ku kululula Jerusalemu, ukufikila pa myaka 483 ya landilwe, mesaya akamoneka.

Bushe Yesu alimoneke nga mesaya pali ilya nshita yalandilwe? Artaxerxes afumishe i funde lya ku kululula Jerusalemu mu 457 BC (Esra 7:7-26). Imyaka 483 yapwile mu AD 27 (457 BC + AD 27 = 484). (Ifunde lyatwalilile mu mwaka 457 na Yesu alisubilwe mu mwaka AD 27, ukupanga ulubali lwamyaka kanshi inshita yacine kuti yaba 483 imyaka).

Panshita ilya ine yasontelwe mu AD 27, Yesu amoneka ne mbila: "inshita naifika" (Marko 1:15). Ukwisushiwa kwabusesemo bwacipingo bwaku papa nokushininkisha ukuti Yesu waku Nazareti cine cine ni Mesaya, Lesa mumubili wabuntu. Ninshita shani Yesu akalanda icine cabulayo bwakwe?

"Akakoshe cipingo ku bengi cinelubali umo wa myaka…" Daniele 9:27, lubali lwa cimo.

Elyo twalanda ukuti umwaka umo bushiku bumo, uyu mulungu ukaba imyaka cine lubali. Ekuti, imyaka 7 - ukufuma AD 27 ukufika AD 34 - Yesu akashininkisha icipangano cakwe, icacitile kuli Adam na Eva panuma yakulungana. Lesa a pangile icipangano, ubulayo, ukuti aka pususha inkulo ya muntu ukufuma kumpulumushi ukupitila mu mfwa yamuntu umo uyo akatuma kwisatufwila pamembu shesu (Ukutendeka 3:15).

Cinshi cali no kucitika pakati kamilungu amakumi cine lubali?

"Pakati ka cine lubali" (Umulungu mu ci Hebere) elyo akesapwisha ilambo no mutulo empela yakulekelesha." - Daniele 9:27, kukulekelesha.

Yesu atanikwe mu AD 31, "pakati kamulungu."Panshita yamfwa yakwa Yesu, Lesa alepwile cisalu ca mwitempele imbali shibili ukufuma pamulu kufika napesamba (Mateo 27:51). Ilambo lya pelwe ukuti lipaiwe (calesonta kuli Yesu nge "mpanga yakwa Lesa") yafulumwike ukufuma mumaboko yakwa shimapepo. Ici cale langa ukuti Lesa nomba talefwaya umuntu ukupela ilambo lyanama. Ukwisushiwa busesemo bwalembwa, Yesu abikapo impela ukushitwalila ukulapela amalambo. Pantu imfwa yakwa Yesu, abantu bakwata insambu kuli Lesa tekupitila mwilambo ilya nama no muntunse shimapepo iyo, lelo kupitila muli mesaya, ilambo lya kwa Lesa na shimapepo wesu mukalamba.

3. UKUSHININKISHA KWAKWELELWA KWAMPULUMUSHI

Ukulingana no busesemo bwakwa Daniele cinshi ico Yesu afwilile?

"…uwasubwa akafumishiwapo nomba temulandu wakwe iyo." - Daniele 9:26.

Pamfwa yakwe pacapindama Yesu ali fwile, lelo, "temulandu wakwe" tekufuta pa mpulumushi shakwe lelo kufuta pa mpulumushi she sonde lyonse.

Kuti twaishiba shani ukuti Lesa alitwelela impulumushi shesu shonse?

"Ubololoke bwakwa Lesa bwisa mucicetekelo ca kwa Yesu Kristu kuli bonse abasumina… Bonse balyulungana. Balungamikilwa kukusenamina kwa cikuku cakwe caba muli Yesu Kristu… Mucicetekelo mumulopa wakwe." - Abena Roma 3:22-25.

Icintu icikalamba muli aya malembelo nifi: bonse "twali ulungana" lelo pamulandu "waluse" lwakwa Lesa bonse balubulwa "abakwata icicetekelo" kumaka yaku tusangulula mu mulopa wakwa Yesu. Elyo twa sangululwa, Lesa atweba ati tatuli bampula mafunde, alafumya impulumushi shesu shintu twachitile kale. Lesa alatulenga ukuba bololoke. "Ubololoke bufuma kuli Lesa ukupitila mucicetekelo muli Yesu Kristu." Alilaya, "iseni kuli ine, bonse mwe bale cucutika nefisendo, elyo nkamipela ukutusha (Mateo 11:28). Bonse ifwe fwebali ne fibala fya membu shakale elyo fwebali ne nsone, kuti twasanga umutende no kupwililika muli Kristu.

4. INSHITA YABUPINGULO

Mwu capita 8 muli Daniele umungeli amulanga ubusesemo bukalamba ubukesa citika kuntanshi. Daniele amona (1) Sukusuku wapanga, (2) Nasawe nangu mbishi, na (3) Luno lwansengo yambushi. "Akalusengo kamo akanono, ukula kula namaka," (Daniele 9:8-9); ifi filangililo file imininako: (1) Medopersia, (2) Greece, (3) Roma (Daniele 8:1-12, 20-26).

Lubalinshi ulwa cine lwa busesem?

"Nshita shani cikabula icicimonwa ukuti cikesushiwe icimonwa pamulandu wakupela ilambo cila bushiku…? Elyo atile kuli nebo cikabula amakana yabili 2,300 icingulo no lucelo (nangu inshiku mu ci Hebere), Elyo icinyumba nyumba cikesa waminishiwa." - Daniele 8:13-14.

Daniele afwa umutombo, elyo umungeli talati alondolole inshiku 2,300 ulubali lwa busesemo, elyo capita 8 yaisalilwa no bulondoloshi ubu. Lelo umungeli aisamonekela nokulanda ifi…

"Ukumfwikisha cimonwa" amakumi cine lubali (imilungu, mu ci Hebere) e bupingulo (yafumishiko, mu ci Hebere) kubantu bobe no musumba wamushilo ukupwisha ulubembu, ukuleta impela ku lubembu, no kufumyapo ababembu." - Daniele 9:22-24.

Inshiku amakana yabili nemyaka itatu 2,300, inshiku ekutila 2,300 myaka. Ubushiku bumo (ekutila umwaka umo) Esekiele 4:6. 70 imilungu nangu, 490 imyaka yapilibula ukutendeka kwalubali lwalepa ulwa myaka 2,300. Iyi nshita yonse yatendeke mu 457 BC elyo Persia apangile funde, ukulubula no kuya kululula cipya Jerusalemu. Ukufumyako 490 imyaka muli 2,300 imyaka, kwashala 1,810. Ukulundako 1,810 imyaka kuli AD 34, itufisha pa mpela ya myaka 490, ici cituleta kuli AD 1844.

5. ICINYUMBA NYUMBA CHAKUMULU CHAWAMISHIWA - UPINGULO

Umungeli aebele Daniele ukutila mu 1844, panuma ya myaka 2,300, "icinyumba nyumba cikawaminishiwa" (Daniele 8:14). Kanshi ici cilepilibula shani? Apo AD 70 elyo aba Roma ba o nawile itempele mu Jerusalemu, abantu bakwa Lesa tabakwete Itempele pa calo. E mukuti icinyumba nyumba ciwaminishiwe, ukutendeka 1844, ici tecinyumba nyumba ca pa calo lelo ca kumulu icali cisontelo ca cinyumba nyumba ca kumulu.

Nomba ukuwamya kwa cinyumba nyumba ca kumulu cipilibulanshi? Abena Israel bakale beta ubushiku bwaku wamya cinyumba nyumba ca pa calo YOM KIPPUR. Bwali bushiku bwacine bwabupingulo. Ngefyo twasanga mwisambililo 12, imilimo ya kwa Kristu mucinyumba nyumba yaba ibili cila bushiku:

(1) abomba nga shimapepo mumuputule wacine wa mucinyumba nyumba, mucifulo camushilo.
(2) Umulimo bwakwipela bwakwa shimapepo mukalamba, mumuputule wa cibili cila mwaka, mucifulo ca mushilo wa mushilo. Abena Levi 16.

Mucinyumba nyumba capa calo, nga bantu bayebelela impulumushi shabo cila bushiku, umulopa wa nama baipaya wale sanswa kulubali lwa lufuba, elyo watwalwa kucifulo ca mushilo (Abena Levi 4 na 6) ekutila mucimpashanya, cila bushiku impulumushi ishaelelwa shaletwalwa mucinyumba nyumba, no kubikwa mulya mwine.

Cila mwaka, ubushiku bwa bwelelo icinyumba nyumba calewaminishiwa kumpulumushi shonse isha le elelwa cila mwaka (Ubwina Levi 16). Ukucita ukuwaminishiwa uku, shimapepo mukalamba alepela ili lambo lyambushi. Elyo asenda umulopa ukutwala mucifulo camushilo no kuya sansa, uyu mulopa wakuwamya kuntanshi ya cipuna cabwelelo ukulanga ukuti mulopa wakwa Yesu, kalubula ukesa, no ku ipela pa mpulushi shesu. Shimapepo mukalamba mu cimpashanya ale fumya impulumushi sha elelwa ukufuma mu cinyumba nyumba no kubika pa mutwe wa mbushi imbi iyo yale twalwa mumatololo ukuya fwa (Ubwina Levi 16:20-22).

Uyu mulimo cila mwaka ubushiku bwakwelelwa bwale wamya itempele ukufuma ku membu. Abantu baleita ubu bushiku ngo bwabupingulo pantu abo abalekana uku yebelela impulumushi shabo balebatontonkanya ukuti tabali bololoke kabili balifuma kuli Lesa, tabali bantu bakwa Lesa (23:29).

Ifyo shimapepo mukalambo ale cita cila mwaka, Yesu Kristu acita umuku umo nga shimapepo mukalamba (Abena Hebere 9:6-12). Nomba pa bushiku bukalamba bwa bupingulo alafumya mucinyumba nyumba impulumishi shonse sha abo aba mupokelela ngo mupusushi wabo. Nga twali yebelela impulumushi shesu aka futa impulumushi shesu pali ilya nshita. Uyu mulimo wabupingulo untu Yesu atendeke mu 1844. Mu 1844 ilyo ubupingulo bwakwa Lesa bwambile mumulu,ilandwe lye nshita yabupingulo yatendeke ukulashimikilwa mucalo conse, (Busokololo 14:6-7). Isambililo lya kuntanshi likalalanda pambile yi.

6. UKULOLESHA PA FYALEMBWA PAMWEO OBE PABU PINGULO

Ukufuma 1844 Kristu nga kapingula alefwailisha pamibele ya muntu umo umo uyo waikala pa calo ukushininkisha nani ukaba pa mpendwa yaba kapusushiwa ilyo Yesu akesa. Nga kapingula wesu, Yesu "akumuna" shonse impulumushi shamololoke ukufuma mufya lembwa kumulu (Imilimo ya Batumwa 3:19).

Elyo ishina lyobe lya isa mubupingulo, cikaba icaanguka pakulolesha pafyalembwa pa mweo obe nga walipokelela Yesu ngo mupusushi obe. Elyo bupingulo bwa bololoke bwapwa, Yesu aka bwela pa calo kukupela icilambu kuli bene (Busokololo 22:12-14).

Bushe uli uwa iteyanya ilyo Yesu akesa? Nangu kwaliba cimo ucili naufisa kuli wene? Bushe waliba uwakaele necishinka noyo uleisa uwalaya ukuti:

"ngatwayebelela impulumushi shesu, wene wacishinka kabili mulungami ukutwelela imembu no kutusangulula ku kulungana konse." - Yohane 1:9.

Ukuyebelela cipilibula kulosha pampulumushi shesu, noku sumina bwelelo bwakwa Lesa, no kusumina ubufwayo bwesu na maka yakwe ne cikuku.

Elyo naletandalila icifungo ku Potsdam, ne mfumu Fredrick William na umfwile impendwa iyingi ukupapata kwakwelelwa. Bonse abafungwa balapile ukutila ubupingulo tabwali bwino bakambone babufi, nangu bakeminina babo bamilandu ebalengele ukuti bakakwe. Ukufuma kucifungo necifungo amashiwi balelanda yakuti bali abakaele. Lelo mucifungo cimo umufungwa takwete ca kulanda. Cakupapa, Fredrick aseka, "Ndesumina nobe uli wakaele." "Iyo mwe mfumu," umuntu aaswike."Nalicita cilubo ica bipa, nininga ukukandwa pali ici."

Imfumu yapilibwike kuli mushika nokwita neshiwi likalamba, "Isa nokufumya iciciwelewele bwangu, elyo talati ababifye abantu bakaele." Bushe na tuipekanya kubupingulo? Bushe twipekanya shani ukwisa kwakwa Kristu? Bushe ni mukuba ba cishinka nokulapila kwacine: Ine changwaminafye imfwa pa mplumishi shandi, lelo umo alibula cifulo candi elyo nokumpela ubwelelo bwacila po. Ipele na iwe ilelo line nangu kwingaba ifikacitika shani, iwe ukasunga ububile bobe na Kristu ilinso-kulinso mu cichetekeloelyo kumutima-nomutima mucishinka icine cine.