UMUPUSUSHI USANGWA INSHITA YONSE

Ilyo umulumendo we shina lya Petelo uwamutundu wa Scottish alubile mu mpanga pabushiku ubwa mfifi iyatola, Lesa alimwitile peshina ati "Petelo!" Ilyo ishiwi lyamulu lyatile nakabili, Petelo aiminine munshila, alolesha panshi, no kusanga ati kwashele fye ulutampulo lumo ukuponena mucilongoma icalekeleshiwa ica nswakala.

Bushe teti cibe icayana nga cakuti cila umo aumfwa Lesa alemwita pe shina? Teti cibe icikankala nga twaba ifibusa - nga cakuti twaikala pamo nokulanda pa filoto no kulwisha twakwata.

1. UKUYA KULI YESU UKWABULA CAKUCILIKA

Sumina nangu kana, kuti twaba mupepi na Yesu nomba ukucila nga ali pamo mubuntu. Ukuba na Yesu mubuntunse mufifulo fyesu kuti cawama nomba tontonkanya ibumba ilingalalwila ukumumona. Tontonkanya panshita yakwe. Kuti twacita bwino nga twabulile nshita ukulanda nankwe mu mweo wesu. Yesu alafwaya ubwampano na cila umo. Eco ashilile isonde ukuba no butumikishi mumulu ubwamulenga ukuba apepi na cila umo cila bushiku. Pantu Yesu taba fye muncende imo ngefyo ali pacalo, ukupitila mu mupashi wamushilo aba apepi ukutungulula onse uwaipela.
Mashiwi nshi ayankosho yantu Yesu apele ilyo talaya ku mulu?

"NAKULABA NAIMWE LYONSE, ukufika nakukupwa kwa nshita." - Mateyo 28:20.

Cinshi ico Kristu alecita mumulu icalenga aleba "naiwe lyonse"?

"Eico, apo TWALIKWATA SHIMAPEPO MUKALAMBA uwaba mumulu, YESU UMWANA WAKWA LESA, natwikatilile ku citetekelo ico twaitwako. Pantu tatwaba na shimapepo mukalamba ushingalangulukila ukunaka kwesu, lelo twaba nowatunkilwepo, nga ifwe - lelo ukwabula ukubembuka. Natuye kucipuna cakwa Lesa abapama, pakuti tupokelele uluse no kusanga icikuku icakutwafwa mumafya." - Hebele 4:14-16.

Mona ubukata bwakukwata Yesu nga umwiminishi kumulu: "Ukweshiwa munshila yonse, ngaifwe." "Alalangulukila ubunake bwesu." "Alatwafwa mu nshita yakukabila." Na Yesu nga shimapepo mukalamba tatwaputulwako ku mulu; Kristu kuti atutwala kucinso cakwa Lesa. Eco twaebelwa "ukuya ku cipuna cakwa Lesa ne cikuku no kupama." Cifulo nshi Yesu akwata kumulu?

"Lelo ilyo uyu Shimapepo (Yesu) apelele ilambo lya lubembu, aikele KUKULYO KWA KWA LESA." - Hebele 10:12.

Kristu uwamweo - umfwikisha - emwimishi wesu pa cipuna "ku kulyo kwa kwa Lesa."

"Eco abela MUNYINA munshila yonse, pakuti abe uwacikuku kabili shimapepo wacitetekelo mu mulimo wakwa Lesa, nokuti apele ilambu imembu sha Bantu. Pantu aliculile ilyo antunkilwe, ALAFWA abatunkwa." - Hebele 2:17, 18.

"Munyinefwe" uwakanyako ubuntunse kabili "uwatunkilwe" ngaifwe, eshimapepo mukalamba wesu kukulyo kwakwa Lesa. "Uwalengwa" nga ifwe, alishiba ifyo tupitamo. Alyumfwapo insala, icilaka, ukutunkwa no kunaka. Alyumfwile ubufwayo bwa kulangulukilwa no kumfwikishiwa.

Pali fyonse Yesu alinga ukuba Shimapepo mukalamba wesu pantu alifwile "pakukonsolwela" imembu shesu. Alipile amalipilo ya membu shesu pakufwila mucifulo cesu. Ii embila, imbila nsuma ku mutundu wamuntunse inshita yonse. Umukalamba we sukulu lya cipingo akana naifwe ici: "Ilyo umwana wesu uwacepeshepo umukashana ali ne myaka itatu, aifinike umunwe mu cipuna ca kufunga, ukutobo ifupa. Ilyo twalemubutushisha kuli Shing'anga, ukulila kwakwe kwatulepwile imitima. Kwaikete no mwana uwali ne myaka isano. Nshakalabe amashiwi yakwe ilyo Shing'anga nabeta icilonda cakwa nkashi yakwe. Alilile ati yaku, tata kanshi ngamunwe wandi!"

Ilyo umutundu wamuntunse wacenekwe no lubembu nokweba ukufwa, Yesu atile, "Iye, mwe tata, kanshi nga nine." Nawishi apele Yesu ubufwayo bwakwe pa lupanda. Kalubula wesu alipita mu bucushi tupitamo no kucilapo!

2. IMBILA MUCIPINGO CAKALE

Ilyo abana ba Isuleli bali mwisamba lyalupili lwa Sinai, Lesa aebele Mose ukukula itempele ilyakwensha ilya mapepo "ukulingana nefyo ine (Mose) walaebwa pa lupili" (Ukufuma 25:40). Imyaka imyanda isano kuntanshi elyo, Imfumu Solomoni akulile itempele lya mabwe ilyabulile ipunda iyetempele ilyakwensha. Ne tempele lyakulilwe ukulingana nefyo ilyakwensha lyali. Ilyo Yehoba akambishe Mose ukukula itempele, finshi ali nafyo mu matontonkanyo?

"Nabankulile itempele, pakuti NJIKALE PAKATI KABO." - Ukufuma 25:8.

Ulubembu lwalekenye abantu na Lesa kabumba. Itempele yali ninshila yakwa Lesa iyakwikala pakati ka Bantu. Icinyumbanyumba elo Itempele, yali emutoto wamapepo mu nshita ya cipingo cakale. Ulucelo ne cungulo abantu balekolongana ukushinguluka icinyumba nyumba nokulanda na Yehoba mwipepo (Luka 1:9, 10), ukufwaya ubulayo bwakwe: "Nkamikumanya" (Ukufuma 30:6).

Icipingo cipya pamo necipingo cakale cifundisha imbila imo ine iyepusukilo. Fyonse fibili filangisha Yesu uwatufwilile kabili uletutumikila nga Shimapepo mukalamba mu Cinyumba nyumba caku mulu.

3. UBUTUMIKISHI BWAKWA YESU BWASOKOLOLWA MU CINYUMBA NYUMBA

Umulimo wamu cinyumba nyumba ulanga ifyo Yesu alecita mwi tempele lyamu mulu, nefyo alecita pesonde ukunonkesha nokutungulula ifwe bonse mu myeo yesu cila bushiku. Ico icinyumba nyumba capesonde cikope cetempele mumulu, cilangisha icinyumba nyumba camu mulu umo Yesu aletumikila Ukufuma 25-40 ilondolola umulimo iyaleika mu cinyumba nyumba camu ciswebebe. Ifyalesangwa mu cinyumba nyumba filamonekamu cipingo cipya:

"Nomba icipingo cantanshi calikwete amafunde yamipepele pamo ne cinyumba nyumba capesonde Mumuputule wakwamba mwali ifyakutekapo inyali, itebulo no mukate; uyu muputule wamushilo. Bwishilya bwa cipempe cacibili kwali umuputule wamushilo wamushilo, umwali icipailo ca golide ica cifutikilo elo na alaka uwakupilwe na golide. Alaka akwete--- ifi pampa fya mabwe ya cipingo (apo Yehoba alembele amafunde ikumi (Malango 10:1-5). Pamulu wa alaka pali kelibu wa lulumbi, ukufimba icakukonsolwelapo (icipuna caluse)." - Hebele 9:1-5.

Icinyumba nyumba cali nemiputule ibili, umuputule wamushilo elo no muputule wamushilo wamushilo. Mu lubansa lwali kuntanshi ya cinyumba nyumba. Mulubansa emwali icipailo ca butale apo bashimapepo balepelela ilambo elo no musambi umo balesamba. Amalambo ayalepelwa pa cipailo cabutale caleiminina Yesu, uyo uo imfwa yakwe pa Kalufali aishileba "Impanga yakwa Lesa, iilesenda imembu shesonde!" (Yohane 1:29). Ilyo umubembu aisa ku cipailo necelambo no kutuula imembu shakwe, apokelela ukwelelwa nokubutishiwa. Munshila imo ine umubembu ilelo aelelwa nokubutishiwa mumulopa wakwa Yesu (Yohane 1:9).

Mu muputule wakwamba nangu umuputule wamushilo, ifyakutekapo inyali cinelubali fyale aka lyonse, ukwimininako Yesu nga "ulubuto lwe sonde" ulushifilwa (Yohane 8:12). Itebulo lya mukate lyaleiminina ifyo atupela icakulya caku mubili naku mupashi nga "umukate wa mweo" (Yohane 6:35). Icipailo ca golide icacifutumwino caleimininako ubutumikishi bwa mapepo bwakwa Yesu mu cifulo cakwa Lesa (Busokololo 8:3, 4).

Umuputule wa cibili, nangu umuputule wamushilo wamushilo, mwalesangwa alaka wa golide uwa cipingo. Ci imininako icipuna cakwa Lesa. Ica kukonsolwelapo, nangu icipuna caluse, ciminina ubwiminishi bwakwa Klistu. Shimapepo mukalamba wesu, ukwimininako umutundu wamuntunse uwalubembu uwatoba ifunde lyakwa Lesa. Ifipampa fibili apo Lesa alembele amafunde ikumi yalesungwa pe samba lya cipuna caluse. Keribu wa golide alesangwa pa cipuna ca luse kumpela ya alaka konse konse. Ulubuto ulwalulumbi lwale aka pakati kaba keribu icilepilibula ukubapo kwakwa Yehoba umwine. Icipempe ecalefisa umuputule wamushilo ku Bantu elyo bashimapepo baletumikila kuli bene mulubansa. Icipempe cabubili kuntanshi yamuputule wamushilo wamushilo yalelesha bashimapepo abaleingila mu muputule wakwamba.

Ilyo Yesu afwile palupanda, cinshi cacitike ku cipempe?

"Pali ilya nshita icipempe ca mwitempele calepwike pakati." - Mateyo 27:51.

Umushilo wamushilo washele pambilibili ilyo Yesu afwile. Panuma yamfwa yakwa Yesu takuli icipempe pakati kakwa Lesa wamushilo no wasumina; Yesu, Shimapepo wesu Umukalamba, atutwala kucinso cakwa Lesa (Habele 10:19-22). Tulafika ku muputule wakucipuna caku mulu pantu Yesu e shimapepo mukalamba kukuboko kwakulyo kwakwa Lesa. Yesu atulenga ukwisa kucinso cakwa Lesa - mu mutima wakwa wishi uwa citemwiko. Eico "natwise apepi."

4. UBUSOKOLOLO BWA MFWA YAKWA KRISTU IYA KUTUPUSUSHA

Ifyo icinyumba nyumba capesonde calelangisha itempele lyakumulu uko Yesu aletumikila ifwe, eico umulimo uwalecitika mu cinyumba nyumba capesonde cali "finshingwa cafya mu mulu" (Hebele 8:5). Lelo paliba ubupusano: Ba shimapepo abaletumikila mwi tempele lyapesonde tabaleelela ulubembu, lelo palupanda Yesu "amoneke limo kuli bonse kukupwa kwa nshita kuku pasa ulubembu pakuipela bulilambo" (Habele 9:26).

Icitabo cabena Lebi ica mucipingo cakale calilondolola umulimo uwalebombwa mu cinyumba nyumba. Ifyalebombeka fyaba mumbali shibili: ifya cila bushiku elo nefya pamwaka. (Katungulula 13 alanda pabutumikishi bwapa mwaka).

Mubutumikishi bwa cila bushiku, bashimapepo balepela ilambo lya cilamuntu elo nelya lukuta. Ilyo umuntu abembuka, ali nokuleta inama iyabula akalema nga ilambo lyalubembu, "abika amaboko pamutwe welambo lyalubembu pakuikoma pancende yacakuninikapo" (BaLebi 4:29). Ukucimwa kwa mubembu kwaleya panama iyabula akalema paku yebelela imembu nokubikapo amaboko. Ici caleiminina Kristu ukusenda ulubembu pa Kalfali; ushaishibe ulubembu asangwike "umubembu" (2 Kolinto 5:21). Inama yelambo yaleipaiwa no mulopa waiko ukusuma ukusonta kufyo Kristu aculile palupanda.

5. CINSHI UMULOPA?

"Ukwabula ukusumya umulopa takuli ukulekelelwa ulubembu" (Habele 9:22). Ifyalecitika mu cinyumba nyumba ca mucipingo cakale calesontelela ku kupususha kwakwa Kristu. Ukufwila ulubembu lwesu, aingile muncende shamushilo "kumulopa wakwe, atupokelele ukupususha kwa muyayaya" (Apakubelenga 12). Ilyo umulopa wakwa Yesu wasumine pa membu shesu,
"icipempe camwi tempele (mu Yelusalemu) calepwike pakati" (Mateyo 27:51). Pamulandu welambo lyakwa Yesu pa lupanda, ilambo lyanama talili ilyafwaikwa.

Ilyo Yesu asumishe umulopa palupanda, apele umweo wakwe kuli ifwe. Ilyo wishi no mwana babalekenye pa Kalifali, wishi ashile umwana mu kushikitila elo umwana afwile no mutima uwalepuka. Lesa mwana alangishe
ubusanso bwaba mukucita ifyabipa. Alekelela umubembu ukwabula ukumona pabunono bwa lubembu. Kristu apangile "icibote mumulopa wakwe, uwasumine palupanda" (Kolose 1:20).

6. UBUSOKOLOLO BWAKWA YESU WAMWEO KU KUTUPUSUSHA

Mulimo nshi uwa cila bushiku uwa kwa Yesu mwitempele lyakumulu?

"Eico alapususha mukupwililika (lyonse) bonse abesa kuli Lesa muli Yesu, pantu ABA NO MWEO LYONSE KU KUTWIMININAKO." - Hebele 7:25.

Yesu nomba "aba no mweo" pakupela umulopa, ilambu palubali lwesu. Pali nomba alebombela ukukakula umuntunse ku fikakilo fya lubembu. Bambi mukuluba batila, nga umwiminishi nangu kawicishanya, Yesu ali mumulu ukula papatila Lesa ushilefwaya ukutwelela. Mucituntulu, ni Lesa mu nsansa eupokelela ilambo lyakwe palubali lwesu.

Nga Shimapepo mukalamba mu mulu, Kristu nawene alapapatila umutundu wamuntunse. Abamba ukulenga bacaibela ukulolesha pa cikuku umuku wacibili, ababemba abaletwishika ukukwata isubilo mu mbila, nokwafwilisha abasumina ukusanga ubukankala mwi shiwi lyakwa Lesa namaka ayakalamba mwipepo. Yesu alekula imyeo yesu ukulingana nobufwayo bwamafunde yakwa Lesa nokutwafwilisha ukukwata imisango ya nshita yonse.

Lesa atulile umweo wakwe pamulandu wamuntu fye onse uwaikalapo pesonde. Nomba, nga Shimapepo mukalamba nangu kawikishanya "Aba no mweo lyonse" ukutungulula abantu ukusumina imfwa yakwe palubembu lwesu. Nangula awicisha isonde ilyawa ku mwine pa lupanda, teti atupusushe kano twasumina icikuku cakwe. Abantu tabakalufiwe pantu babembu, lelo pantu bakana ukusumina ukulekelelwa kwa lubembu kuntu Yesu atupela. Ulubembu lwaonawile ubwampano bwali pali Adamu na Efa elo na Lesa. Lelo Yesu, nga impanga Lesa afwilile ukupususha umuntunse ku lubembu nokubwesha ubwampano ubwaluba. Bushe walimusanga nga Shimapepo obe mukalamba, uyo uwamweo pakusunga ubwampano mupepi kabili ubwa kambuka?

Ilambo lya mfwa yakwa Kristu lyaliibela. Ubutumikishi bwakwa Kristu mulu tabwinga palanishiwa nangu kumo. Ni Kristu fye euleta Lesa mupepi naifwe. Ni Kristu fye eucilenga icayana ku mupashi washila ukwikala mu mitima yesu. Ailongolwele pakutwisushamo. Cifwaikwa naifwe ukumubombela. Natumusumine mukupwililika nga umupusushi kabili Shikulu mu myeo yesu.