ELYO YESU AKESA PAMULANDU OBE

Panuma yamyaka iingi iyakucushiwa, Armando Vallandares aishileisanga ukuba umuntu umo uwakupata kabili no kumfwa ubulanda pafyo imibele yakwe yali mumyaka yakunuma mumweo wakwe. Pali iyinshita ali mucifungo cimo pafifungo fyakwa Castro pamyaka amakumi yatatu iyo ali nokwikalamo pa mulandu wakupepela mucilonganino pa bushiku bwa cimishimishi (Christmas day). Abakalamba ba mucifungo balemucusha sana apakalamba ukupitila mukutaniwa ifyakulya, ukumwa elyo no kulekeleshiwa, lelo umulumendo uyu talekele kucisumino cakwe.

Pali chimo icale mutangilila pantanshi, iici: Bwali bulayo apangile kumukashana uweshina lya Martha. Bakumene nomukashana uyu nokukwata icitemwiko ilyo ali mucifungo, Martha alikwata ukwikatana kucicetekelo icakosa icakwete Armando. Panuma yakupana mulya mwine mucifungo ukwabula ukufwala ifyakufwala fyabwinga, Martha aliisa patikishiwa ukuya ku Miami uko aile.

Ukulekana kwabo kwali kalifya imitima yabo bonse babili. Lelo Armando ali kumanishe ukufwayako akalipepala akafungana akakalamba nokulembapo icipangano nangula ubulayo kumutemwikwa wakwe nokutila, "Nkesa kuliiwe." Ifilonda fyamembia munuma tafyali kantu, uyu mufungwa alesubila nokushininkisha ukutila ubushiku bumo bakalaya amalayo yabo mu chilonganino pamenso yakwa Lesa wamweo. Ubushiku bumo ukwisa kwabo pamo kukapwililika. "Ulifye lyonse naine," efyo amwebele.

Amalayo yakwa Arimando yalengele ukuti apite mubucushi ubo ubwali nokonaula imipashi yabantu abengi. Ububwine bulayo bwalengele na Martha ukushipikisha, icho alebomba ukwabula ukutusha ukutila engongola abakalamba bacifungo ukuti benga lekako wiba wakwe.Taposele isubilo lyakwe.

1. UBULAYO

Inshita shimo kuti twatunkwa ukutwishika ukutila, Bushe Yesu akesa ubushiku bumo ukufuma mumakumbi ukwisa pano pacalo ukwikatana nakabili capamo na Yesu, uotwalekana nankwe panshita itali sana. Ii mpela isuma iyalyashi ilitali ilyabipa ilya calo cino kutiyaumfwika iisuma kabili iyawama ukufikilishiwa. Lelo kuli cintu cimo icinga kosha nokusunga icisumino mumitima yesu, nechi tapali nacimbi bulayo bwakwa Yesu kwisa nakabili. Ilyofye talaya kumulu ukufuma pabasambi bakwe Yesu alaile ubulayo ubu:

"Imitima yenu isakamikwa, cetekeleni muli Lesa, cetekeleni naine wine. Mung'anda yakwatata tamwaba apakwikala apengi achikana befyo nganalimwebele nati naya mukumupekanisha apakwikala, Kabili nganapekanya apakwikala, nkabwela nakabili nokwisa musenda ukuti mukabe naine uko nkaba." - Yohane 14:1-3. (Fyonse ifyapitala filefuma mucipingo ca NIV).

Ilyo Yesu talasendwa mumulu, ali shininkishe abasambi bakwe ukutila, "Nkabwela nakabili" Alilaya ukubwela no kwisasenda bonse abamucetekela kuncende iyaibela iyo apekanishisha ifwe. Amalembo yalanda pakwisa kwakwe ukwacibili ukufika ne miku 2,500. Icishinka icakutila Yesu akesa cacine pamo ngefyo cacine ukweba ukutila alifyelwe no kwikala pano pacalo papitafye amakana yabili (2000) aya myaka. Akale sana Lesa alilaile ukutila Messiah akesa, kapususha uukesa bula ububi bonse ubo tucita nokutufwaila ubwelelo ubwa mpulumushi sha muntunse. Ubu ubulayo bwalyumfwikile ubusuma ukufikilisha kubengi panshita yapakale abalelandauka cilanshita mubumibwabo bonse. Lelo Yesu alishile no kufwa palupanda. Ubulayo bwalisa fikilishiwa babili ubwa citaka nolulumbi ukucila ifyo abantu bale tontonkanya. Ubulayo bwakwe ubwakubwela nabobwine bukacitika. Ifwe kutitwashintililafye pa watutemwa, ukwisa nokutukolonganika pamo bonse fwebo alipilako umutengo ukalamba.

Ilyo lyonse ali mucifungo Armanda akonkenyepofye ukulemba imishikakulo (poems), nefikope mubumfisolo kuli Martha lubali lumbi Martha aleesha ukulembulula amashiwi yamo yamo ayalefuma kuli Armando. Ukumfwana ne citemwiko cabo caongwele calo. Ifyalo fimbi fyatendeke ukweba Castrol ukulekako abafungwa abashakwete milandu. Kateeka waku France nao alishile iposamo muliline ilyashi icakutila mumweshi wa October umwaka wa 1982 Armando alishile bikwa mu ndeke lyaleya ku Paris. Tashininkishe ukuti ali ba umuntungwa nangula indeke ya nyantile panshi mu Paris. Nomba panuma ya myaka amakumi yabili (20) iyakucula, ukufwaisha no kulolela, Armando abutukile mu maboko yakwa Martha. Panuma yamyenshi iinono Armando na Martha baiminine mu chilonganino ca Miami St Kiereu nokubwekesha amalayo yabo. Kwipelepele abantu baishileba pamo nakabili. Ubulayo bwakwa Armando bwaliisa fikilishiwa, "Nkesa kuli iwe." Bushe kuti mwaelenganya ubusuma bwakuba pamo nakabili ifyo bukaba ilyo pakushalikisha tukesamona Yesu icinso necinso? Ukwisa kwakwe ukwa lulumbi kukesa mina ukucula kwesu konse no mwenso elyo no kufumyapo ukukalipa konse uko twasunga mumitima. Ukwisa kwakwa Yesu kuka fikilisha ukufwaisha kwesu no kusekela ukukulu uko tungafwaya. Kabili tukakwata ukwikatana pamo ukwacine babili ukwamuyayaya no buntunse ubwapwililika mulwelele.

Yesu aleisa bwangu bwangu bushe uli uwafwaisha ukumukumanya?

2. BUSHE YESU AKESA MUMUSANGO NSHI?

(1) Bushe Yesu akesa munkama?
"Moneni nalimyebela kabela eico ngacakuti umuntu uuli onse amyeba ati, uyo alimu ciswebebe, mwiyako, uyu ali umu mumuputule wa mukati mwisumina. Pantu ngefyoinkuba iifuma kukabanga imoneka na kumbonshi efyo no kwisa kwamwana wamuntu kukaba." - Mateo 24:25-27.

Inkuba ibeke no kumone pa ntamfu ikulu eico ukwisa kwakwa Yesu Kristu takwakabe mukufisa nangula icintu cimo icankama.

(2) Bushe Yesu akesa nakabili ngo muntu umutuntulu?
"Balelolekesha apakalamba mumulu ilyo aleya, ilyo ukwabula nangu kumo kwamonekele abantu babili mu fyabuta kumbali yabo. Nokutila kuli bene, mwe bena Galilea, bushe cinshi mwaiminina pano no kulolekesha mumulu? Uyu Yesu umo wine uwasendwa ukufuma kuliimwe nokuya mumulu, akabwela mumusango umo wine mumumwene aililemo kumulu." - Imilimo yabatumwa 1:10-11.

Pabushiku bwa kufuma pano chalo abangeli baliyebele abasambi ukutila, "umo wine Yesu uwasendwa mumulu - temuntu umbi iyo - akesa nakabili mubuntu nge mfumu yasha mfumu. Yesu umo wine uwaposeshe abalwele no kwisula amenso yapofula, Yesu umo wine uwa landile ifisuma kulinamayo uo baikete mubulalelale, Yesu umo wine uwa kumwine ifilamba kubalelosha no kupokelela abana banono nokubalela. Yesu umo wine uwafwile palupanda lwapa Kalifali no kutusha munshishi, no kubuka kubafwa pa bushiku bwalenga citatu.

(3) Bushe Yesu akesa icakuti tukamumone?
"Mona, Aleisa mumakumbi, ne linso lyonse likamumona." - Ubusokololo 1:7 (icipande cantanshi).

Bonse abakaba aba mweo ilyo Yesu akesa, bonse aba lungami nababi bakapela ubunte kukwisa kwake.

Bushe nibanga Yesu umwine ayebele ukumona uko akesa?

"Napali ilya nshita ifilangilo fya mwana wa muntu fikamoneka mu lwelele, ne nko shonse ishapano isonde shika losha. Bakamona umwana wa muntu aleisa mumakumbi ya mumulu, namaka no lulumbi ulukalamba." - Mateo 24:30.

Umuntu onse uwamweo mu calo akamona Yesu aleisa.

(4) Nibani bakaba na Yesu ilyo akesa?
"Ilyo umwana wa muntu akesa mubukata bwakwe, na bangeli bonse nankwe, akekala pa cipuna cakwe mubukata bwakumulu." - Mateo 25:31.

Tontonkanyeni ifyo cikaba ilyo Yesu akesa mubukata bwakwe na shingulukwa naba malaika bonse."

(5) Bushe kuti twalanda inshita Yesu akesa?
"Takuli nangu umo waishiba bulya bushiku nakashita, nangu niba malaika, nangulafye umwana, lelo tata ekafye…. Eico naimwe mufwile ukuba abaiteyanya pantu umwana wa muntu akesa panshita iyo tamwenekele." - Mateo 24:36-44.

Umuntu onse akamona Yesu, ukwisa ukwa lulumbi, lelo abengi bakaba ababula ukuipekanya, bushe palobe uli uwaipekanya ukuti Yesu ese.

3. BUSHE CINSHI YESU AKACITA ILYO AKESA?

(1) Yesu akalonganika bonse abapusuka (abasalwa).
"Kabili akatuma bamalaika bakwe no lupanga ulukalamba, kabili bakalonganyika abasalwa bakwe ukufuma kumyela ine (4) ukufuma kulutwe lwa mulu ukufika nakukubiye." - Mateo 24:31.

Ngacakutila walisuminisha Yesu ukukupekanishisha kumweo no bumi bobe, ukamuposha ne nsansa ngo mupusushi obe.

(2) Yesu akabusha abashila abafwa.
"Pantu shikulu umwine akeka ukufuma mumulu ne shiwi ilikalamba, ne shiwi lya kwa malaika mukalamba no lupenga lukalamba lwakwa Lesa na bafwila muli Yesu bakema pakubala." - Abena Tesalonika wa cimo 4:16.

Yesu akeka kumulu no kupunda, ishiwi lyakwe ilya maka likomfwika kucalo conse. Lika lepula inshishi mu manda shonse no kubusha imintapendwa yabantu abasumina Yesu munkulo shonse, we bushiku ukuwama we!

(3) Yesu akacinja bonse abalungami pakwisa kwakwe - te balungami abafwafye iyo, lelo nabamweo.
"Panuma yaifyo elyo ifwe fwe ba mweo tukesa kumana capamo mulwelele ukukumanye mfumu Yesu, elyo tukabe ne mfumu umuyayaya." - verse 17.

Ukutupekanishisha umuyayaya, Yesu akacinda no kupilibula imibili Yesu iifwa mu mibili iisuma iishifwa.

"Umfweni, ndemweba icipapwa: tatwa kafwe bonse, lelo tukapilibulwa, mu kushibashiba, mukukapakapa kwelinso, palupenga lwakushalikisha. Pantu ulupenga lukalila, nabafwa bakabushiwa elyo tukapilibulwa pantu iconaulwa cikafwala icinshonaulwa, no kufwa kukukana fwa." - Ba Kolinto wacimo 15:51-53.

Ilyo Yesu akesa tukapilibuka bonse, "tontonkanyenipo, takuli ukukalipwa, ubulebe nangula cancer ifipatala kwisalwa nama yanda fa fililo kwisala pantu Yesu aisa.

(4) Yesu akasenda abashila kumulu.
Yesu umwine alipangile ubulayo, "Nkesa nakabili nokwisa misenda ukuba naine." Mung'anda yakwatata (moneni Yoane 14:1-3) Petelo nao alanda pacalo ca ba pusuka "Ati fwasungulwa kumulu imwe." (Petelo wa cimo 1:4) kuti twatemwisha ukufwa ubusuma bwa musumba wa kwa Lesa. Yelusalemu mupia, no kwishiba tata wesu uwakumulu.

(5) Yesu akafumyapo ububi no kucila inshita conse.
Ababi - abo bonse aba kana ubupe bwakwa Yesu ululi luse - bena balaipangila ubupingushi abene beka. Ilyo bamona icinso cakwa Yesu cileisa ukufuma mumakumbi, ukabapokwa imembu shabo kwafinisha ukusunga. Elyo bapunda kumpili no mabwe, "tuponeneni no kutufisa ukufuma kucinso cakwe uwaikala pacipuna no bukali bwa mwana wampanga" (ukusokolola 6:16). Batemwapo imfwa ukucila ukwiminina kucinso cakwa Yesu. Baishiba nomba ati ishiwi ililebulukuta mumulu panshita imo iyalebapapatila mumutelelwe ukupokelela icikuku ca cine. Bonse abailufishe mukubutukila indalama, ukwangala kwacalo cino nangula mufya bunonshi na macito, nomba baibusha ukutila balilekelesha icintu cimo icikalamba mu myeo yabo. Busokololo ubwa londoloka bwino no kutinya nakuba tapali nangu umo uwalefwaikwa ukuluba no konaika. Lesa umwine tasekela mumfwa ya mubembu (Esekelo 33:11) talefwaya umuntu nangu umo ukwisa onaika, lelo bonse ukwisa kukulapila (Petelo wacibili 3:9). Yesu aletupapata ifwe, iseni kuliine, imwe bonse mwebanaka nefisendo, kabili ndemipelo kutusha. (Mateo 11:28) lelo ku camupamba bambi balaposa ubwite bwakwe ubwa cikuku.

4. BUSHE ULI UWAITEYANYA UKUTI YESU ESE?

Caliposelwepo umutengo uukalamba ukuti Yesu atupele umweo usuma uwamuyayaya, "Mung'anda yakwatata," paposelwa umweo wakwe no kufwa.

"Yesu aipele bulilambo umuku umofye ukusenda imembu shabantu abengi; nakabili akamoneka umuku wacibili. Temukusenda imembu iyo, lelo kuleta ipusukilo kulyabo bonse abamulolela." - Ba Hebele 9:28.

Umupusushi wenu uwafwile palupanda ukusenda imembu shenu, akamoneka "umuku wacibili," kabili akaleta ipusukilo kuliabo bonse abamulolela. Yesu aipele bulilambo ukutila engapela ipusukilo kuli cilaamuntu. Lelo ukwabula ukwisa kwakwe ukwacibili, ulupanda amaka yaliko yakapwa. Yesu alefwaya ukutupela ing'anda iyamutende, kabili iya muyayaya nankwe. Pakutila ici cicitike tufwile ukusuminisha ukuteka imyeo yesu nge mfumu nakapususha ukutampafye ililine.

Palucelo lwa 16th August, 1945 akalumendo ka butukilo mukati lya kompaundi wa Shantung mu calo co China kalebilikisha ukutila kamonapo indeke mumulu. Bonse abantu abakosa babutukile ponse nokulolesha mumulu. Banamayo nabaume balichula mumyaka yakulekeleshiwa, ukusulwa elyo no kufwaisha, ilyo babikilwe mucifungo pamo nga bantu ba mucalo ca Japan abo baletungania ukuba ifilwani fyabo. Abengi icintu cimo calikele mumitima yabo nesubilo ukutila ubushiku bumo inkondo nangula ubulwi bukapwa. Insansa shaishile pita mulibalya abantu 150 abashelepo ilyo bena balelolekesha nokumona ukuti indeke yaisa mukubapususha. Ilyo icongo candeke cakulile, umo apunda, "moneni, uluunga (flag) lwa calo ca America nalupendwa kumbali yandeke, elyo mukulolekesha ukwabula ukusumina, amashiwi yapundila, moneni baletuposha, nabatwishiba, baisa mukutusenda. Pali iinshita insansa shalifulishe isha Bantu aba umwenso walipwile. Abantu balebutuka ukulashinguluka nokupunda apakalamba, bale sunkanya amaboko yabo no kulila. Kwipelepele ibumba lya mwene mukupapa elyo pesamba lya ndeke paisuka na Bantu batampa ukufuma muma palashute. Abakuba pususha lelo baisa, ukuba nabo. Ibumba lyabutukile ku mwinshi wa compaundi nokusunka geti. Tapali nanguumo uwa lesakane mfuti, ne fyanso ifyali mulya mu mushi. Panuma yamyaka iingi iya mwenso ne nkumba bulili nomba babutukila kubashilika babo balabemya pa ma peya yabo. Umukalamba wa bashilika ba mulia mukompaundi baishile lekafye aba Bantu ukwabula ne fyongo nangu ukulwa. Icacine inkondo naipwa, ubuntungwa bwaisa, icalo calebamonekelafye icipya mumenso yabo. Bwangu bwangufye Lesa wesu, kapususha wesu, akeka ukufuma mumakumbi ukwisa tupususha. Ububi ubukulu no bunkalwe ubwa muntunse bwa laisapwa, kukaba ukwanga ukukalamba, ukupunda ukwansansa, pantu aleisa bwangu,kuti namona nabangeli balelisha amapenga." Iciunda cilekulilako ikumbi lyalulumbi lile kashikilako. Lelo teti tuleke ukulolesha pantu alambona, alinjishiba elyo nefwe tukeshiba nensansa ishikalamba ukutila, "uyu eLesa wesu, aleishila ine, teumbi nangu limbi lelo lelofye, inshita ino inefye. Bushe uli uwaipekanya ukupokelela imfumu mubukata bwakwe, ngateifyo, suminisha Yesu engile mu mweo obe ililine, pamofye nge fyo ukwisa kwakwa Yesu pano pacalo kukapwisha amafya yacino calo, efyo no kwisa kwakwe mumutima obe kukapwisha amafya ya mweo obe onse. Uupwisha amafya kuti amipususha ku cisendo no busha bwalubembu nokukupela umweo wa muyayaya. Ukwisa kwakwa Yesu mumweo wamumtu kuti kwapilibula umweo pamofye ukwisa kwakwa Yesu kukacinja icalo cino.
Kuti mwashintilila pali Yesu. Akakupekanishishako ukwisa kobe nokukupela isubilo ilisuma ilya mweo wa nsansa shape.