EKY'AMA KY'EMPISA EZ'OBULAMU OBULUNGI

Abanoonyereza ab'omu kiseera kino batutte omutawaana okuwandiika amazima ago Bayibuli ge yasooka okuteekawo. Ebitundu by'omuntu ebingi byegasse mu kimu. Emirundi ebitundu bino bye twawula mu nti; omubiri, ebirowoozo era n'omwoyo nabyo byegasse wamu era tebyawukananyizibwa.

Mu ngeri endala, ekyo ekikwata ku mubiri kikwata nekubirowoozo. Embeera yaffe ey'eby'Omwoyo erina ky'ekola ku mubiri. N'embeera yaffe ey'omubiri erina ky'ekola ku by'omwoyo. Omuntu kitundu kimu. Eky'okulabirako, abanoonyereza aba saayansi bakizudde mu by'okuyiga byabwe ebiteeketeeke nti, essanyu, okuseka okw'essanyu kuvaamu enkyukakyuka nnene mu maanyi agali mu mubiri agawoonya endwadde. Osobola okuyamba omubiri gwo okugwongera okulwana n'endwadde olw'okubeera ng'oli musanyufu. Eby'okuyiga byabwe bino biraga engeri ebirowoozo gye bikolaganira awamu n'omubiri.

Emyaka nkumi na nkumi egyayita Ekigambo kya Katonda kyalaga obwegaffu buno obuli wakati w'ebirowoozo n'omubiri ekyo ekyakakkirizibwa ennaku zino mu mateeka ag'okujjanjaba ag'ekisawo.

"Omutima ogujaguza ddagala ddungi; Naye Omwoyo ogumenyesee gukaza amagumba." - Ngero 17:22.

Okusinziira ku Mutume Yokana, ebikwata ku birowoozo, ne ku mubiri ne ku mwoyo bikolagana bitya olw'omuntu n'asobola okubeera obulungi?

"Omwagalwa, NSABA OBEERENGA BULUNGI mu bigambo byonna era obeerenga n'obulamu ng'obulamu bwo bwe bubeera obulungi." - 3 Yokana 2.

Omutonzi waffe ayagala tubeere "n'obulamu obulungi" omutali ndwadde. Ekigambo kya Katonda kisobola okutufuukira ensibuko ey'obulamu obulungi ate era n'obulamu obutaggwaawo.

Olw'okubanga omubiri n'obulamu obw'ebirowoozo era n'embeera ennungi ey'omwoyo bigendera wamu, Omutume Paulo kyeyava yeegayirira abantu bw'ati;

"Kale obanga mulya, obanga munywa, obanga mukola, ekigambo kyonna kyonna, mukolenga byonna olw'ekitiibwa kya Katonda." - 1 Bakkolinso 10:31.

Amawulire amalungi aga Katonda gatwaliiramu okudda obuggya okw'emibiri gyaffe n'omwoyo gwaffe. Enneeyisa ennungi ey'obulamu esobola okutuyamba okubeera abakristayo abasanyufu.

Wano tulinawo amateeka munaana ag'okugobereera bw'oba ng'oyagalira ddala okubeera n'obulamu obusingako obulungi era obuzaala ennyo.

1. EMPEWO ENNUNGI

Empewo ennungi yeetagibwa olw'obulamu obulungi. Emisana n'ekiro nga weebase, okuteeka obumooli ku nnyumba yammwe era ne ku bifo by'etukoleramu emirimu kituwa obukakafu nti omusaayi gwo gujja kutwala empewo emala ku buli kitundu eky'omubiri.

Okusika empewo ennungi okugenda mu mawugwe ku makya ng'otambula ly'ekkubo eddungi okuyingiza empewo ennungi mu mubiri gwo.

Ekika ky'empewo gye tussa nakyo kintu kikulu nnyo. Weegendereze obutabeera mu mpewo ewunya ennyo, oba mu gasi oba mu mpewo erimu obuwuka (bacteria), nga biva mu kintu ky'otamaanyi. Omukka ogunnyooka okuva mu bintu eby'okebwa gwonona empewo era ye kattira omukulu ow'abantu ow'ennaku zino. Abanonyereza aba sayaansi baakakasa dda omutawaana oguli wakati w'okunywa taaba (seggeereti) ne kokolo (cancer) ow'amawuggwe n'endwadde ez'omutima. Omubiri okumanyira okunywa obutwa obuyitibwa nakotini obuli mu seggeereti, kifuula okunywa seggeereti empisa esingira ddala okuba enzibu okulekayo. Okunywa segereti kijja kutta abantu obukadde 12 mu mwaka 2020, senga nga okunywa segereti okuliwo mu kiseera kino kunaagenda mu maaso.

2. OMUSANA

"Emigaso gy'ebitangala eky'omusana mingi,
"1. Singa omala mu musana eddakiika 15 okutuusa ku 30 buli lunaku mu makya oba olw'eggulo kiyamba omubiri okwezimba oba omubiri okwekolera ekiriisa omubiri ekya Vitamini D eky'eddiba. Vitamini D eyamba omusaayi okuzaala caliciyamu ne fosifalasi (phosporous) ebizimba era ne biddabiriza obugumu bw'amagumba.
"2. Omusana gukola ng'eddagala eritta obuwuka era ne gutta obuwuka obusirikiti obutono ennyo obuleeta endwadde (bacteria).
"3. Omusana guvaamu amaanyi ago agasobozesa ebisimbe okukyusa omukka omubi (carbon dioxide) n'amazzi ne gubifuula ekiriisa ekya carbohydrate… Singa enkola eno teriiwo ebisoolo byonna awamu n'abantu byandifudde enjala ne biggwaawo.
"4. Omusana era guyamba omuntu okusobola okukola ekiro era ne guwonya okuggwaamu amaanyi okuva mu biseera by'enzikiza mu nsi ezo omubeera ekiseera eky'obutiti (winter).

Okulabula: "Omusana gukyayinza okubeera ogw'omutawaana. Singa omala ebbanga eddene mu musana gubabula olususu lw'eddiiba ly'omuntu, gwongera omutawaana ogw'obulwadde, obwa kokolo (cancer) ow'eddiba, gukaddiya mangu abantu, gwonoona amaaso era guleeta endwadde ey'ensenke ku maaso." (Ebiwandiiko byonna ebiri mu Mulagirizi ono bigyiddwa mu kitabo Look Up and Live, mu katabo ak'eby'okuyiga eby'abakulu eby'obulamu obulungi ak'emyezi esatu egisooka ak'omwaka 1993. Akawandiikibwa era ne kafulimizibwa (Nampa, Idaho: Pacific Press Publishing Association). Ebiwandiiko ebisinga obungi ebiri mu ky'okuyiga kino, newankubadde nga ebimu tebiragiddwa, bissimbuddwa era ne biyimpayizibwa nga bigyiddwa mu bawandiisi abo.)

3. OKUWUMMULA

Omubiri guteekwa okuwummula gusobole okweddabiriza. Tuteekwa okufuna ekiseera eky'okwezza obuggya era n'okuwummula okutewuluza ku bukoowu obw'emirimu era n'obuvunanyizibwa obw'amaka. Awatali kufuna okuwummula okwetaagibwa, abantu oluusi abafuna okweralikirira, okuggwaamu amaanyi era n'okulumizibwa. Okunyigirizibwa ng'okwo okw'ebirowoozo kuvaamu okulwala, era ne kituwaliriza okuwummuza emibiri gyaffe amangu nga tusasula ekiseera kyegutawummula. Mu kwebaka okulungi okw'ekiro tewaliiwo kintu ky'osobola okuzza mu kifo kyakwo.

Okuzzaamu obuggya amaanyi ag'omwoyo gwaffe buli lunaku nakyo kikulu nnyo olw'obulamu obulungi obw'omubiri. Ekiseera ekya buli lunaku eky'omukristayo eky'okufumitiriza, okusoma Bayibuli, n'okusaba kijja kuwoonya omubiri n'Omwoyo. Twetaaga okuwummula okuva ku mirimu gyaffe egya buli lunaku, ate n'okuwummula ku lunaku olwa Ssabbiiti olw'okuwummula, n'okuwummula okw'omwaka oba okw'ekitundu eky'omwaka.

4. OKUKOZESA OMUBIRI (EXERCISE)

Okukozesa omubiri kikulu nnyo olw'obulamu bwaffe obulungi:
"1. Okukozesa omubiri kiyamba okussa entunnuusi ezikubira waggulu (High Blood Pressure).
"2. Okukozesa omubiri kusobozesa omusaayi okutuuka mu bitundu byonna eby'omubiri, okugakuuma nga gwonna gubuguma.
"3. Okukozesa omubiri kuggyawo okunyigiribwa kw'omubiri era n'okw'ebirowoozo ne kikuyamba okuwuulira obulungi mu bulamu. Okukozesa omubiri ly'eddagala erisinga obulungi okuwonya okw'eraliikirira, n'okunyigirizibwa kwe birowoozo (stress).
"4.Okukozesa omubiri kuwa obwongo amaanyi ag'amassaanyalaze n'obutafaali obw'emyala. Kuleeta obulamu obulungi olw'okuzuukusa amaanyi agalwanyisa endwadde. Omubiri bwe gukuumibwa mu mbeera ennungi olw'okukozesa obulungi omubiri, ebirowoozo byongera okutetenkanya obulungi.
"5. Kuyamba ku ndabika yo ey'eddiba era ne kikukuuma ng'oli mutono.
"6. Okukozesa omubiri kyongera okukuwa amaanyi, kiggyawo obunafu obw'omubiri n'obw'ebirowoozo.
"7. Kiyamba obwongo okuvaamu eddagala erikuwa okuwuulira obulungi era ne kyongera omubiri okugumira obulumi."

Bw'oba ng'obadde tokozesa mubiri (exercising), tandika mpola era genda nga weeyongera mpola nga bw'osobola okugumikiriza. Kyandibadde kya magezi okufuna okuweebwa amagezi okuva eri omusawo wo nga tonnaba kutandika. Ekigendererwa kyo kiteekwa okuba nga wennyigira mu kika kyonna eky'okukozesa omubiri (exercise) ekyo ekyenkanankana n'okutambula milo emu mu ddakiika 15 emirundi egisuuka ena buli wiiki.

5. AMAZZI

Okuva ng'amazzi bwe getaagibwa mu buli katafaali (cell) ka mubiri, tuteekwa okunywa amangi.
"1. Okusinziira ku buzito bw'omubiri, amazzi gatwalako ebitundu 70 ku buli kikumi…
"2. Omubiri gwetaaga lita 2 ½ z'amazzi buli lunaku gusobole okukola emirimu gyagwo. Ogumu ku mirimu gy'omubiri, kwe kutambula kw'omusaayi, okujjawo kazambi (mu mubiri) okutambuza emmere mu mubiri era n'okugigaaya…
"3. Omuntu owa bulijjo alina obutofaali okuva mu buwumbi 15 okutuusa ku 20 mu bwongo. Buli kamu ku butofaali buno 70% okutuuka ku 80% ku buli kikumi mazzi. Okufuna amazzi agamala eri obutofaali buno kikukuuma nga otegeera bulungi era ne kiziyiza okuggwaamu amaanyi era n'okulumizibwa.
"4. Amazzi g'onywa si geg'omugaso gokka. Amazzi agannyogoga ag'okunaaba buli lunaku galongosa entambula y'omusaayi, era ne gawa amaanyi omubiri n'ebirowoozo. Okunaaba amazzi gasobola okulongoosa emyala egikyamye egisobola okuleteera endwadde olw'okunafuya enkola ey'omubiri ey'okwerinda. Okunaaba kujjawo obukyafu okuva mu mubiri era kusobola okukendeza omusujja."

6. OKULYA OKUTUUFU

Ku kutonda ensi, Katonda yalagira Adamu ne Kaawa okulya eby'okulya eby'ebinyeebwa ensigo n'ebibala (Luberyeberye 1:29). Nga Adamu amaze okwonoona enva zagattibwa mu by'okulya by'omuntu (Luberyeberye 3:18). Ng'amataba gamaze okubeerawo, omutonzi yagattako ennyama "ennongoofu" ku by'okulya byabwe (Luberyeberye 7:2-3, 9:1-6).

Ennyama ey'ensolo erimu amasavu ag'ekwata awamu, era n'okuzibikira emisuuwa, kino ne kireeta omutawaana ogw'entunnusi, (pressure), omutima okusirika, endwadde z'omutima, kokolo, okugejja, sukaali (diabetes), era nendwadde endala nkumi. Ennaku zino abasawo bawa amagezi abantu abo abalya ennyama okulya ennyama enkapa, ng'efumbidwa bulungi era n'eby'ennyanja, naye birye bbalirirwe.

Olw'okubanga abantu abatalya nnyama be basingako okuba n'obulamu obulungi, era bawangaala nnyo abakugu mu by'endiisa ne mu by'obulamu batukubiriza okudda ku mmere eyasooka eyaweebwa omuntu ey'ebinyeebwa, ensigo era n'ebibala ate gataako n'enva.

By'ona ng'oyagala okutandika okulya emmere eteriimu nnyama, kikakase nti oteekwa kusooka okumanya engeri gy'osobola okuteekateeka emmere ennungi emala awatali kukozesa nnyama. Lya ebigero bitaano oba mukaaga buli lunaku eby'ebibala eby'enjawulo, ebinyeebwa, ensigo ebijanjalo era n'enva. Enva eza kiragala ne za kyenvu awamu n'emicungwa, bikulu nnyo. Kozesa obuwunga obw'ensigo yonna ng'esereddwa, era kozesa omukyere omumyufu mu kifo ky'ogwo ogutukula. Sitaki ne carbohydrates biteekwa okuba ebigero mukaaga buli lunaku. Mu kifo ky'amasavu ag'ensolo (butter) (omuzigo) kozesa amasavu ag'ebibala. Endya eyo waggulu emala buli lunaku awatali nnyama.

Abo abalondawo ennyama okuba ekitundu ku mmere yaabwe bateekwa okulya ensolo ezo zokka ezalagirwa mu Bayibuli nga "nnongoofu" era zisaanira okuliibwa abantu. Oluvannyuma lw'amataba Katonda bwe yakkiriza omuntu okulya ennyama, (Luberyeberye 7:2-3, Abalevi 11:47). Yannyonnyola ennyama ey'ensolo ennongoofu era n'ezo ezitali nnongoofu era ezitasaana kuliibwa.

Soma mu Kitabo kya Abalevi 11 ne Ekyamaeteka 14 olabe omuwendo gw'ennyonyi, n'ensolo, era n'eby'ennyanja Katonda bye yagaana okulya. Okusinzira ku ssuula ezo, ensolo ennongoofu eteekwa okuba ng'erina ekigere ekyaseemu ekyeyawuddemu era nga ezza obwenkulumu. Eby'ennyanja ebirongoofu biteekwa okubeera nga birina amaggwa n'amagamba. Ennyonyi ezirya n'ennyama y'emirambo gy'ensolo ezifudde teziriibwa zagaanibwa.

Emu ku nsolo ezitali nnongoofu, embizzi eyogerwako mu ngeri ey'enjawulo era n'egaanibwa okuliibwa (Kyamateeka 14:8). Abantu nkumu abalongoosebwa emibiri gyabwe gisangibwamu akawuka Trichinea Obuwuka obusing'anyi obusirikitu buyingira mu bantu abalya ennyama y'embizzi. Okunoonyereza kwa saayansi okw'ennaku zino kweyongedde ne ku zuula ensonga lwaki Katonda embizzi yagiteeka mu nsolo ezitali nnongoofu. Ensonga emu esobola okuba endwadde ey'akabi, okugeza nga Trichinea obusiring'anyi obusagibwa mu nnyama yayo. Ensonga endala esobola okuba amasavu gaayo makwafu agonoona ebyenda by'omuntu ebigaaya emmere.

7. OKWEWALA EBINTU EBY'AKABI

Kulabula ki Bayibuli kw'ewa mu kunywa omwenge?

"Omwenge Mukuddazi, ekitamiiza mulekaanyi, era buli akyama olw'ebyo talina magezi." - Ngero 20:1.

"Newankubadde ababbi newankubadde abeegombi, newankubadde ABATAMIIVU, newankubadde abavumi, newankubadde abanyazi, tebalisikira bwakabaka bwa Katonda." - 1 Bakkolinso 6:10.

Omwenge gw'onoona ebitundu eby'omubiri bino;
"1. Enkola ey'okuwonya endwadde mu muntu (Immune System) - Omwenge gukendeza obusobozi bw'amaanyi ag'obutofaali obweru obulwanyisa endwadde, olwo nno omutawaana gwe ndwadde zino ne zeyongera; Lubyamiira, akafuba, obulwadde obw'ekibumba (Hepatitis) ne kokolo ow'ebika ebingi.
"2. Endocrine system - Okunywa omwenge omulundi ogumu oba emirundi esatu olunaku kyongera omutawaana ogw'embuto okuvaamu, okulemererwa okuzaala, era n'okuzaala ng'omwana tannaba kukula.
"3. Entambula y'omusaayi - Okunywa omwenge kireeta akabi ak'endwadde ez'omutima, kikendeeza sukaali ow'omu musaayi era ne kyongera amaanyi ag'amasavu ag'omu musaayi, ne gwongera omutima okukubisa entunnunsi eza waggulu okulinnya. (High Blood Pressure).
"4. Ebyenda ebigaaya emmere - Omwenge gwonoona olubuto, ebyenda ne bijjamu amabwa agavaamu omusaayi… okunywa omwenge okwa buli lunaku, kivaamu omutawaana ogw'amasavu mu kibumba, obulwadde obuyitibwa hepatitis ne cirrhosis, mu kibumba."

Okunywa omwenge kwe kuvunaanyizibwa ku kitundu eky'abantu bangi abeetuga, okufa kw'abantu mu bubenje obw'ebidduka, okukwata abaana abato, era n'ennyombo mu maka.

8. OKWESIGA AMAANYI GA KATONDA

Omuntu ali mu kutya oba alina omusango ajja kukisanga nga kizibu okufuna mu bujjuvu enkola ey'obulamu obulungi bwe twakamala okubannyonnyola. Naye omuntu alina okukkiriza okulungi mu Katonda ajja kufuna ensibuko ey'obulamu obulungi.

"Weebaze MUKAMA ggwe emmeeme yange, so tewerabiranga birungi bye byonna. asonyiwa ebikolwa byo byonna ebitali bya butukirivu, awonya ENDWADDE ZO ZONNA. ANUNULE OBULAMU BWO BULEME OKUZIKIRIRA." - Zabbuli 103:2-4.

David Larson, Omuwi w'amagezi mu ssomero ely'eggwanga ery'abalwadde b'emitwe mu Amerika, yakola okunoonyereza okugazi ku bikwata ku nkolagana y'eddiini n'eby'obulamu. Okuyiga kwe kwalaga enkolagana wakati w'omukristayo eyeewaaddeyo era n'eby'obulamu. Kyamwewuunyisa okukiteegera nti: Abantu abo abagenda mu kkanisa bawangaala okusinga abo abatagenda mu kkanisa. Abagenda mu kkanisa endwadde ez'emitima zibarumba kinono, n'ez'emisuuwa, ne pureesa era n'endwadde endala. Abo abalina okukkiriza mu Katonda bazaala nnyo, kubanga emirundi mitono gye banyigirizibwa, oba okunywa omwenge, okusibibwa mu makomera okwa buli kaseera ng'abamenyi b'amateeka ab'olulango, yadde okwegatta mu bufumbo obutali busanyufu. Okwesiga amaanyi ga Katonda ky'ekisumuluzo ekikulu ekituusa ku bulamu obulungi obw'amazima, obulamu obulungi omutali ndwadde ate, era obusanyufu.

Abantu abaweera 50,000 abe kkanisa eya Seventh-Day Adventist, mu California beekebejjebwa okumala emyaka 30. Ebyavaamu biraga nti; Abadventisti abasajja (ng'obageragereanyiza n'abasajja abalala abatali Badventi) bawangaala emyaka 8.9 okusinga abalala ate bo abakyala bawangaala emyaka 7.5 okusinga bannabwe ab'omulembe gwabwe. Okuyiga Abadventisti mu Holland, Norway ne mu Poland nakwo kwalaga ebintu bye bimu. Abanoonyereza eky'okuwangaala kwabwe kuno bakissa ku nsonga nti Abadventisti bassa mu nkola amateeka ago gonna oba agamu ku go. Abo abagobeerera amateeka gano ag'obulamu tebawangaala buwangaazi kyokka naye era balina obulamu obusingako obulungi.

Bwe tussa enjigiriza ya Bayibuli mu bulamu bwaffe kireetawo enjawulo mu makubo gaffe gonna, nga kiwa obujulirwa obumatiza nti obukristayo y'eddiini essinga okukola era n'obuteegevu mu nsi yonna. Ekyusa abantu endowooza era n'ebikolwa byabwe era n'ebatondamu enkola ey'obulamu empya.

Olw'okubanga ebirowoozo n'omubiri era n'obulamu obw'omyoyo birina enkolagana ey'awamu, Abakristayo abatambulira mu kigambo kya Katonda bajja kwagala okugobeerera amateeka ag'enkola ey'obulamu obulungi nga beeteekerateekera okujja kwa Yesu omulundi ogw'okubiri, (1 Yokana 3:1-3). Kristo tatwagaliza kubeera beeteefuteefu olw'omulundi ogw'okubiri kyokka, naye era ayagala tubeere n'obulamu obusingako obulungi mu bulamu obw'ekiseera kya kaakano. Tusobola okwegatta naye nga tugobeerera amateeka ga Katonda ag'obulamu obulungi.

Yesu yasuubiza okutujja mu buli mpisa embi ezikiriza obulamu ng'ayita "mu maanyi ge agakolera muffe" (Abeeffeso 3:20). Singa nga ogezako okuwangula empisa embi eyonoona omubiri, okugeza: ng'okunywa seggeereti, oba okunywa omwenge, okugezaako kwo okusingira ddala obulungi okw'okuva ku mutawaana ogwo ekivaamu kuba kulemererwa. Naye bw'onegatta mu maanyi ga Katonda ago agakolera muffe, Katonda asobola okukuwa amaanyi n'owangula. Ekigambo kya Katonda kitusubiza nti, "Nnyinziza byonna mu Kristo oyo ampa amaanyi" (Bafiripi 4:13).