EKYAMA KY'OKUKULA OKUYITA MU KUGABA

Larry bwe yali mu nnyumba ya mwami Komori yali asanyukira emboozi emusanyusa nga, bwanywa kyayi ow'ekijapani n'emigaati emikole mu mukyere, abagenyi banne ne baggyayo Bayibuli zaabwe, bonna baamutunuulira nga naye bamusuubira okubegattako. Omwami Kimori n'amubuzza nti "oyinza okutuwa eky'okuyiga eky'olwa leero?"

Larry kaabulakata ne kyayi amutuge. Ye yali alowooza nti okukung'ana kwabwe okwo kwali kwa kwesanyusamu. Era mu kiseera ekyo yali talina kintu kyonna kye yali alowooza kwogera.

Mu mazima Larry yali asomesezzako ebibiina bingi ku ssomero ly'Abakristayo ery'olungereza mu Japan gye yali akolera. Naye mu bibiina eby'okuyiga byalinga biteeketeeke bulungi. Ng'okwogera ku Bayibuli takisangamu buzibu. Naye okwogera ku Katonda mu kiseera ekyo kyali kirala nnyo.

Larry okuva mu buto bwe yali awulidde eby'okuyiga bingi okuva mu Bayibuli. Naye ye gy'ali ng'omuntu eby'okuyiga bino byali tebirina makulu. Yali akola ebintu bye yali amanyi nti bikyamu mu maaso ga Katonda. Olwo yali asobola atya okwogera ku Katonda ye kennyini gwe yali tamanyi?

Ng'atudde awo ku ntebe, nga yeetolodwa abantu abamusuubira okubaako eky'okwogera' yali anaatera okulemererwa oluwalo lwe. Ng'ali mu kutya, olunyiriri olw'Omwoyo Omutukuvu ne lujja mu birowoozo bye olugamba nti:
Nga tuli mu maaso g'abantu okuwa obujulirwa Omwoyo ajja kutuwanga eky'okwogera (Luka 12:12). Mu kiseera kino kye yava awaayo okusaba olw'obuyambi era n'afuna olugero olusinga okutegeerwa abantu bonna lwe wandirowoozezzako olw'omwana eyazaawa.

Bwe yali ng'annyonnyola engeri Katonda gy'ayagala abantu newankubadde abo abamuvaako, Larry yeesanga ng'ayogera ebyo ebiri mu mutima gwe. Ebigambo bye byali nga biyingira mu nda. Nga gwe mulundi gwe ogusooka mu bulamu bwe Larry yakikakasa nga Katonda bwe yali amwagala.

Ekiro ekyo Larry yafukamira ku kitanda kye n'awaayo obulamu bwe eri Katonda, era n'ekyenkomerero kino kyafuuka kya lubeerera. Okugabana okwagala kwa Katonda n'abantu abalala yakifuula kikulu nnyo okusinga ebirowoozo obulowoozo. Mu kiseera kino yali nsonga eyakola ku bulamu bwe.

1. YESU ATUYITA TUKULE OLW'OKUGABA

Abatume baali bamaze ekiseera kya myaka esatu n'ekitundu nga bayiga ebigambo bya Kristo era n'ebikolwa bye, era n'eky'enkomerero ne balaba okufa kwe era n'okuzuukira kwe. Nga Yesu anaatera okuddayo mu ggulu, yatuma abatume be okubeera ababaka be.

"Naye MULIWEEBWA AMAANYI Omwoyo Omutukuvu bw'alimala okujja ku mwe, nammwe MUNAABANGA BAJULIRWA BANGE… n'okutuusa ku nkomerero y'ensi." - Bikolwa 1:8.

Abagooberezi ba Kristo bwe beewaayo bulambalamba gy'ali ku lunaku olwa Pentekonte, Kristo eyazuukira yakyusa obulamu bwabwe okuyita mu maanyi ag'Omwoyo. Baafuuka abajulizi, si eri omubiri gwa Yesu ogwazuukira n'okugenda mu ggulu kyokka, naye era n'eri amaanyi ge agazuukiza agaali gakyusizza obulamu bwabwe.

Ng'Abakristayo naffe tulina okubeera abajulizi eri okuzuukira kwa Yesu, kubanga naffe tufunye amaanyi ge agazza obuggya mu bulamu bwaffe.

"Kyokka KATONDA ow'ekisa era atwagala ennyo, bwe twali NGA TUFIIRIDDE MU BUJEEMU BWAFFE, YATUZUUKIZA WAMU NE KRISTO. Mwalokolebwa lwa kisa kya Katonda, Nga tuli mu Kristo Yesu, Katonda yatuzuukiza wamu naye… yakola ekyo ALYOKE ALAGE… OBULUNGI BWE N'EKISA KYE EKINGI ENNYO, kye yatukwatira mu Kristo Yesu." - Abeefeso 2:4-7.

Yatuzuukiza wamu ne Kristo, n'olw'ekyo tusobola "okulaga obulungi bwe n'ekisa kye ekingi ennyo" era (Yesu) atusaba okutwala amawulire ge amalungi ag'ekyo ky'asobola okukola mu bulamu bw'abantu bonna abali ku nsi, era atusuubira okugenda awamu naffe bwe tunaakola bwe tutyo (Matayo 28:19-20).

Omwami H.M.S Richards, omukulembeze w'okuweereza eddoboozi ly'obunnabbi ku mpewo (Radio) omulundi ogumu yawa obujulirwa nti: "Ndabye okukyuka kw'emitima gy'abantu abaawulira enjiri ya Kristo. Ntambudde ne ntuuka mu nsi erinnya lya Katonda ne Kristo gye lyali litawulirwangako okutuusa ekkanisa bwe yatwalayo obubaka. Ndabye abantu abo nga bakyuka okuva mu bujama okudda mu buyonjo, okuva mu bulwadde okudda mu bulamu obulungi, okuva mu kutya emizimu emibi okwa buli kaseera okudda mu ssanyu ery'obulamu Obukristayo obw'essanyu. Ndabye okukyuka mu mbeera ez'abakyala. Ndabye amaka ag'amazima amaKristayo nga gava mu kizikiza eky'obukafiiri mu buli nsi gye nnakyalira ndabye obulamu bw'abantu nga bukyusiddwa. Nkimanyi nti enjiri ya Kristo… ge maanyi ga Katonda ag'obulokozi (Abaruumi 1:16). Nkimanyi nti ekkanisa bw'ebuulira obubaka obw'enjiri, wabaawo obukyufu mu mitima gy'abantu, mu maka g'abantu era ebyo birabikira mu bulamu bw'abo abakkiriza okuyita kwayo."

Katonda yatuwa ffe abantu abanafu ekitundu eky'enjawulo eky'okukola mu mulimu guno ogusanyusa, kubanga okugabana kitundu kikulu eky'okukula kwaffe. Okukkiriza kwaffe okusigala nga kulamu, kutekwa okulagibwa abalala. Nga Larry bwe yakizuula nti okugabana okukkiriza kwaffe n'abalala kituyamba nnyo okukuteeka mu bikolwa mu bujjuvu era ne kituviiramu okukula.

2. TUGABANA KRISTO N'ABANTU ABALALA MU NGERI Y'OBULAMU GYE TWEYISAAMU

Omuvubuka omuto eyakulira mu maka amabi olumu yakyetegeereza nti: Bwe natunuulira eby'okulabirako abazadde bange bye bampa kya yonoona ekifaananyi kya Katonda; Saafuna kifaananyi kyonna eky'omuntu anjagala. Abantu abatwetoorodde beetaaga nnyo ekiyitiridde omuntu ajja okubawa ekifaananyi kya Katonda ekiramu. Eky'okubuulira kyaffe ekisingira ddala amaanyi ekyangu ddala y'embeera gye tweyisamu. Ng'omuntu tannaba kulowooza kyenkana wa ky'omanyi, ateekwa okusooka okumanya omufaako kyenkana wa ky'omufaako. Omutume Petero atukubiriza bwati:

"MUKUUMENGA EMPISA ZAMMWE ENNUNGI olw'abantu ab'ensi be mulimu… BASOBOLE OKULABA EBIRUNGI BYE MUKOLA, BAGULUMIZE KATONDA… kubanga ne KRISTO YABONYAABONYEZEBWA KU LWAMMWE N'ABALEKERA EKY'OKULABIRAKO, MULYOKE MUMUGOBERERE." - 1 Petero 2:12,21.

Nga Kristo "bwe yabonyaabonyezebwa" ku lwaffe ku musaalaba, tulina eky'okulabirako eky'okwagala okw'okwewaayo mu maaso gaffe. Okwagala kuno, nga kuzaaliddwa mu ffe ng'ekikolwa eky'okwagala abalala, kisobola okufuuka amaanyi ag'okuleeta abakkiriza mu mikono gya Kristo.

3. TUGABANA KRISTO N'ABANTU ABALALA MU NGERI GYE TULOWOOZAMU

Setaani bwe yalumba Yesu mu ddungu ng'amukema okulya, n'amalala, n'okwegulumiza, Yesu yamulwanyisa n'amuwangula olw'okujjuliza mu byawandiikibwa ebitukuvu (Matayo 4:4,7,10). Yesu yali mweteefuteefu kubanga yali ajjuzizza ebirowoozo bye n'amazima ga Bayibuli.
Wano olutalo we tuluwangulira oba we lutulemera - mu birowoozo byaffe. Agamba bwati:

"Kubanga nga bw'alowooza munda ye bw'ali bw'atyo." - Ngero 23:7.

Abakristayo abakulu balowooza bya mu ggulu. Balowooza ku bulamu obulungi bwe bageezaako okufuna.

"Musanyukirenga mu Mukama waffe bulijjo… Naye byonna mubitegeezenga Katonda; nga MUSABA, nga mumwegayirira era nga mumwebaza. Emirembe gya Katonda egisukkiridde okutegeera kwaffe, GINAAKUUMANGA EMITIMA GYAMMWE, N'EMYOYO GYAMMWE, nga biri wamu ne Yesu Kristo. Ab'oluganda eky'enkomerero, ebyo BYONNA EBY'AMAZIMA, ebissibwamu ekitiibwa, EBITUUFU, ebirongoofu, EBYAGALIBWA, N'EBY'ETTENDO, bye muba mulowoozaako… Katonda ow'emirembe anaabeeranga nammwe." - Abafiripi 4:4-9.

Ekyo kye tuteeka mu birowoozo byaffe kye kitufuula ab'enjawulo. Bw'onootekamu ebintu ebitalina mugaso mu bulamu bwo, ojja kujjamu obutaba na mugaso. Teekamu ekigambo kya Katonda ojja kujjamu obulamu obutya Katonda.

4. TUGABANA KRISTO N'ABANTU ABALALA MU NGERI GYE TUTUNULAMU

Ng'ababaka abali mu kifo kya Kristo, Omukristayo ateekwa okuba ow'ekigero newankubadde mu ntunula, nga yeewala ebintu byonna ebisukkiridde.

"Abamu ku bbo bwe baba nga tebakkiriza kigambo kya Katonda, balyoke baleetebwe mu kukkiriza olw'empisa zammwe ennungi, nga temuli na kye mubagambye. Kubanga bajja kulaba empisa zammwe ennoongoofu era ezibassisaamu ekitiibwa. Okweyonja kwammwe kulemenga kuba mu bya kungulu: mu misono gy'enviiri n'egy'amajolobera aga Zzaabu n'egy'ebyambalo, naye kube kwa mutima munda: OKWEYONJA OKUTAYONEENEKA, OKW'OMWOYO OMUWOOMBEEFU ERA OMUTEEFU. Okwo kwe kw'omuwendo ennyo mu maaso ga Katonda. Kubanga n'abakazi ab'edda abatukuvu, abaasuubiranga mu Katonda, bwe batyo bwe beeyonjanga, era nga bawulize eri babbabwe." - 1 Petero 3:1-5.

Obwangu mu nnyambala era ne mu kweyonja bulijjo kulaga empisa ez'amazima ezifaanana eza Kristo. Eky'okugeza: abantu abalala batekwa okusikirizibwa okujja gye tuli si lwa misono egy'ennyambala gye tukola, naye olw'obulamu kye bukola ekyogera ku Kristo.

5. TUGABANA KRISTO N'ABANTU ABALALA OLW'EBYO BYE TUKOLA

Omukugu ow'ebyafaayo Edward Gibbon atutegeeza nti Gelerious bwe yawamba enkambi eya Persia, ensawo emasamasa ey'eddiba eyali ejjudde amayinja ag'omuwendo amangi yagwa mu mikono gy'abasirikale abaali banyaga ebintu. Omusajja ono mu bwegendereza yakuuma ensawo ey'omuwendo ey'omugaso, naye n'asuula amayinja ag'omuwendo omungi agagirimu.

Abantu beekutte ku bulungi obw'okungulu obusanyusa amaaso, ensi bw'ebawa, naye ne bagaana Yesu, ejjinja ekkulu ery'omuwendo omunene - basingako n'abasikale bali abaali banyaga. Tetufiirwa bufiirwa mikisa okuva mu mikono gyaffe kyokka naye tufiirwa obulokozi obutaggwaawo. N'olw'ekyo ekyawandiikibwa kitulabula nti:

"Temwagalanga nsi, wadde ebintu ebigirimu. Oyo ayagala ensi, tabaamu kwagala Kitaffe. Kubanga buli ekiri mu nsi - okwegomba okw'omubiri, n'okwegomba okw'amaaso, n'okwegulumiza okw'obulamu buno -ebyo tebiva eri Kitaffe, naye biva mu nsi. Ensi eggwaawo n'okwegomba kwayo, naye akola Katonda by'ayagala, abeerawo emirembe n'emireembe." - 1 Yokana 2:15-17.

Setaani akola nnyo okulaba nga ebibi ebizikiriza awamu n'empisa embi abisiigako Zzaabu oba akazigo. Bwe tulanga okunywa omwenge ku Radio ne mu mpapula z'amawaulire, eri abavubuka tubalaga bulungi okukola ennyo, n'abantu abayitiridde essanyu. Naye tetubalaga muntu anakuwadde ng'ava mu ttundiro ly'omwenge, ng'agenda ataggatta, ate mu kiseera kyekimu ng'agobeddwa ne ku mulimu.

Tuteekwa okuba abegendereza eri emikwano egituleetera okusuula empisa ez'obukristayo (2 Bakolinso 6:14). Mu butuufu, Kristo ayagala tubeere n'emikwano gy'abantu abatali bakristayo. Okubeera n'emikwano y'enkola esookera ddala mwe tuyita okugabana n'abantu abalala okukkiriza kwaffe. Kino kikakase nti mukwano gwo oyo taakuzzeeyo emabega mu mpisa zo ez'edda enkadde.

Ekintu kyonna kye tussa mu bulamu bwaffe, yadde ebyo ebitusanyusa bye tulonda, birina kinene kye bikola ku bulamu bwaffe obw'Omwoyo. Tuteekwa okuba abeegendereza ennyo ku ebyo bye tuteeka mu birowoozo byaffe:

"Siteekenga kintu kyonna ekitasaana mu maaso gange." - Zabbuli 101:3.

Singa tunaateekanga mu myoyo gyaffe ebyo ebisinga obulungi, ebisinga obubi tebijja kutusika kutuzzaayo wansi. Okwekwata ku bintu ebyeddaala erya waggulu mu bintu bye tuyingiza mu maka gaffe ne mu birowoozo byaffe tekijja kukendeeza ku bulamu bwaffe. Omukristayo alina ebintu bingi nnyo ebimuwa essanyu okusinga omuntu yenna omulala.

6. TUGABANA KRISTO N'ABANTU ABALALA MU NGERI GYE TUGABA

Bwe yali agenda okubatiza omukkiriza omuggya omusumba H.M.S Richards yagenda okukyetegereza yali akyalina kaadi z'omuzaanyo gwa canisi mu nsawo ye. Omusumba Richards kyeyava amubuuza oba nga yali yeerabidde okuleka ensimbi ze mu kisenge ekyambalirwamu. Omusajja yamuddamu nti "ensawo yange awamu nange tujja kubatizibwa wamu." Yali ategedde Omwoyo ogwamazima ogw'obukristayo okuwaayo okw'okuyamba abantu abalala. Abakristayo bakula lwa kugaba era eno y'ensonga lwaki Yesu yennyini yagamba nti "okugaba kwa mukisa kusinga okutoola" (Bikolwa 20:35).

Ebyo bye tuwaayo olw'okutwala mu maaso obwakabka bwa Katonda biba bya muwendo ogutaggwaawo.

"Temweterekeranga bugagga ku nsi kuno kwe bwonoonerwa ennyenje n'obutalagge, n'ababbi kwe basimira ne babba, Naye MWETEREKERE OBUGAGGA MU GGULU… kubanga obugagga bwo gye buba, n'omutima gwo gye guba." - Matayo 6:19-21.

Bw'oba ng'owa, bino bijjukire: "Ensi ya Mukama era n'ebintu byonna ebigirimu" (Zabbuli 24:1), ng'omwo mwotwalidde ne Zzaabu ne ffeeza (Kaggayi 2:8). Ffe ku bwaffe tuli ba Katonda, kubanga yatutonda ate era yatununula okuva mu kibi olw'okusasula omuwendo ogw'ebibi byaffe n'omusaayi gwe (1 Bakkolinso 6:19-20). Buli kintu kyonna kye tulina kya Katonda, "kubanga ye y'akuwa obuyinza okufuna obugagga" (Ekyamateeka 8:18).

Omulokozi waffe eyakomererwa n'afa ate n'azuukira, atwegayirira kyenkana wa okugaba olw'okutwala enjiri eri abalala?

"Omuntu alinyaga Katonda? Era naye mmwe munnyaga nze. Naye mwogera nti twakunyaga tutya? MWANNYAGAKO EKITUNDU KY'EKKUMI N'EBIWEEBWAYO. Mukolimiddwa ekikolimo ekyo, kubanga munnyaga nze eggwanga lino lyonna. Muleete ekitundu ky'ekkumi ekiramba mu ggwanika, ennyumba yange ebeeremu emmere, era munkeme nakyo, bw'ayogera MUKAMA w'eggye, OBANGA SIRIBAGGULIRAWO EBITULI EBY'OMU GGULU ne mbafukira omukisa, ne wataba na bbanga kuggyawo." - Malaki 3:8-10.

Ekitundu ky'ekkumi kyekimu "ky'ekkumi eky'ebyo bye tufuna" (Ekyamateeka 14:22, Lubereberye 28:22). Eri omulimi n'eri omusuubuzi ekitundu eky'ekkumi akijja ku magoba ng'amaze okuggyako ensimbi z'akozesa. Eri abo abakozi, ekitundu ky'ekkumi tukiggya ku mpeera yonna gy'ofuna. Etteeka ery'okuwa ebitundu eby'ekkumi tteeka lya mpisa anti litwaliramu empisa. Ekitundu ky'ekkumi kya Katonda era kiteekwa okukozesebwa olw'okuwagira omulimu gwa Kristo (1 Bakkoliso 9:14) era n'okumaliriza omulimu gwe ku nsi alyoke akomewo (Matayo 24:14).

Yesu bwe yajja ku nsi n'abeerako mu ffe, mu Ndagaano empya Yesu akakasa nkola ey'ekitundu ky'ekkumi (Matayo 23:23).

Tuteekwa okuwa ekirabo kyenkana wa obunene? Ekirabo kisinziira ku kusalawo kwa buli muntu kinnomu. Buli muntu ateekwa okuwaayo ng'asinziira ku kusalawo kwe mu mutima gwe (2 Bakkolinso 9:5-7).
Tetuyinza kuwa kirabo ne tusinga Katonda by'atuwa:

"Mugabenga nammwe muligabirwa; ekigera ekirungi ekikkatiddwa, ekisuukundiddwa, eky'omuyiika kye balibaweera mu kifuba." - Luka 6:38.

H.M.S Richards omulundi gumu yatunnyonnyola ebyamubaako bino:
"Omukubi wa zzaala kayingo yajja mu nkung'ana zange mu Los Angeles, era sigenda kwerabira kiseera kye nayogerako naye nga tuli ffeka ku nkomerero y'ekisaawe. Yajjayo ensimbi ze zonna ze yalina mu nsawo ze dolla 500, era n'azimpa zonna nga bw'agamba nti; 'kino kye kitundu kyange eky'ekkumi ekisoose.'

"Omusajja teyali bulungi, era yali talina ky'akola okugyako okukuba zzaala okumala emyaka 30 oba 40, Olwo ne ndyoka mugamba nti, 'onoobeerawo otya?'
"Yaddamu nti, 'nsigaza dolla ttano oba mukaaga, naye zino endala za Katonda.'
"Olwo ne mubuuza nti: 'onookola otya?'
"Yaddamu n'agamba nti: 'Simanyi, naye nkimanyi nti nteekwa okuwa ekitundu eky'ekkumi kyange eri Katonda, era ye ajja kundabirira.'
"Era ddala kino Katonda yakikola. Okwenenya kw'omusajja ono kwali kwa mazima. Ekiseera kye kyonna yakimala nga yeewaddeyo era yali musanyufu mu bulamu bwe obw'obukristayo. Era Katonda yamuwanga byonna bye yeetaaga okutuusa ku lunaku lwe yafiirako." Katonda tasuubizanga nti abantu bonna abakkiriza ab'amazima bajja kubeera bagagga. Naye yatukakasa nti Omutonzi waffe ajja kutuwanga ebyetaago eby'obulamu.

Kristo yawaayo byonna ku lwaffe. Naffe ka tumuwe bulambalamba emitima gyaffe kaakano. Katugabane Kristo n'abantu abalala, mu ngeri gye tubeeramu mu bikolwa byaffe, mu ntunula yaffe, mu bikolwa byaffe era ne mu kugaba. Lwaki teweezuulira essanyu eriri mu kugabana Kristo n'abantu abalala era naffe tukulire mu kisa kye eky'ekitalo.